25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Վիգեն Սարգսյանը ծառայությունն անց է կացրել Սերժ Սարգսյանի ընդունարանում. Նիկոլ Փաշինյանը պարզաբանում է պահանջում
Հասարակություն
30.10.2017 | 12:08
ԱԺ «Ելք» խմբակցության ղեկավար Նիկոլ Փաշինյանը պահանջում է, որ ՀՀ պաշտպանության նախարար Վիգեն Սարգսյանը հստակ պարզաբանում տա՝ իր բանակ չզորակոչվելու պատճառների մասին:
«Ճիշտ կլինի, որ պատճառների մասին նախարարը պարզաբանում ներկայացնի ոչ թե բանավոր, այլ փաստաթղթային: Ընդհանրապես կարծում եմ, որ Վիգեն Սարգսյանի պաշտոնական կենսագրության մեջ արված գրառումը, թե 2000-2003 թվականներին ծառայել է Հայաստանի Զինված ուժերում, պետք է պարզաբանվի: Հանրությունը պետք է իմանա՝ Վիգեն Սարգսյանի ծառայությունն անց է կացրել Սերժ Սարգսյանի ընդունարանում՝ որպես պաշտպանության նախարարի ռեֆերենտ»,- այսօր խորհրդարանական ճեպազրույցների ժամին հայտարարեց Նիկոլ Փաշինյանը:
Փաշինյանի այս հայտարարության պատճառը օրերս ՀՀ պաշտպանության նախկին նախարար Սեյրան Օհանյանի կնոջ՝ Ռուզաննա Խաչատրյանի ֆեյսբուքյան գրառումն է: Գրառման մեջ տիկին Խաչատրյանը հստակ նշում է, որ «Զինծառայության և զինվորական կարգավիճակի մասին» օրինագծի քննարկումներին հետևելիս, հիշել է, թե ինչպես է ծառայության մասին խոսում մի բարձրաստիճան պաշտոնյա, որը ժամանակին խուսափել է զինվորական ծառայությունից:
Պաշտպանության նախկին նախարարի կնոջ գրառումը, որում որևէ անուն չկա, համացանցում քննարկումների և կասկածների առիթ է տվել: Շատերը պնդում են՝ տիկին Խաչատրյանն ակնարկում է Վիգեն Սարգսյանին:
Մանրամասները՝ տեսանյութում:
