13.01.2026 | 10:16
Պետդեպարտամենտում այսօր Մարկո Ռուբիոն կընդունի Արարատ Միրզոյանին
Արդյոք Դուք նման փայլուն կարիերա կանեի՞ք, եթե ծառայեիք 18 տարեկանում. Էդմոն Մարուքյանը՝ Վիգեն Սարգսյանին
Տեսանյութեր
25.10.2017 | 14:18
ԱԺ-ում «Պաշտպանության մասին» օրենքի նախագծի քննարկմանը «Ելք» խմբակցության պատգամավոր Էդմոն Մարուքյանը հարց ուղղեց ՀՀ պաշտպանության նախարար Վիգեն Սարգսյանին:
«Մի քանի անգամ Դուք հպարտորեն նշեցիք, որ երեք բուհ եք ավարտել, հետո եք ծառայել: Ես շատ լավ գիտեմ Ձեր կենսագրությունը, Դուք փայլուն կարիերա եք արել: Բայց չեք կարծո՞ւմ, որ եթե 18 տարեկանում գնայիք բանակ, կարող է և այդ փայլուն կարիերան չանեիք»,- հարցրեց պատգամավորը՝ նշելով, որ այս իշխանությունն իր համար բանակում չծառայածների իշխանություն է:
Ապա իր միտքը շարունակելով պատգամավորն ասաց. «Որովհետև նայում ու տեսնում եմ, որ բարձունքների են հասել մարդիկ, որոնք բանակում չեն ծառայել: Ու հիմա էդ մարդկանց իշխանությունը եկել ասում է՝ եկեք բոլորին տանենք բանակ, որ արդարություն լինի: Էս դեպքում դիսկոմֆորտ չի ապրո՞ւմ այս իշխանությունը կամ նրա ներկայացուցիչը նման նախաձեռնությամբ հանդես գալով»:
ՀՀ պաշտպանության նախարարը պատասխանեց հարցին՝ ասելով, որ չի կարծում՝ եթե 18 տարեկանում ծառայեր, իր ուսումը կդադարեցներ. «Իմ ընտանիքում, իմ տատերից, պապերից սկսած, մինչև հեռու ու մոտիկ բարեկամները, բոլորն ունեն առնվազն մեկ բարձրագույն կրթություն»:
Մանրամասները՝ տեսանյութում:
