05.03.2026 | 15:51
Եթե ՌԴ-ից իսկապես մարդիկ են բերվելու, վստահ եմ՝ մեծ մասը քվեարկելու է ՔՊ-ի օգտին. Փաշինյան․ ՏԵՍԱՆՅՈՒԹ
Երևանի երաժշտական ու արվեստի դպրոցները նոր գործիքներ են ստանում՝ լարային, փողային ու հարվածային
Հասարակություն
03.02.2020 | 20:52
Լուրեր
05.03.2026 | 15:25
Ֆիշինգային հարձակում ՔԿՀ-ների դեմ // Իրանական ԱԹՍ-ն հարվածել է Նախիջևանին․ ԼՈՒՐԵՐ
05.03.2026 | 15:05
Ինչու է ոստիկանությունը հսկում Մասյացոտնի թեմը. Փաշինյանի պարզաբանումը․ ՏԵՍԱՆՅՈՒԹ
Երևանի քաղաքապետարանից տեղեկացնում են, որ այս օրերին Երևանի երաժշտական ու արվեստի դպրոցները նոր գործիքներ են ստանում՝ լարային, փողային ու հարվածային:
Դպրոցների գույքը տասնամյակների պատմություն ունի: Դրա մի մասը վաղուց ծառայում է որպես թանգարանային նմուշ: Երևանի քաղաքապետարանը երաժշտական գործիքների ձեռքբերման ծրագիրը սկսել է 2017-ից: 2019թ. ծրագրին հատկացված 50 մլն դրամով տարեվերջին ձեռք է բերվել 27 անուն 110 երաժշտական գործիք:
«Այս ծրագիրը մեծապես նպաստում է երաժշտական և արվեստի դպրոցներում մատուցվող կրթական ծրագրերի որակի էական բարձրացմանը»,- նշում է Երևանի քաղաքապետարանի մշակույթի և տուրիզմի վարչության պետ Գոշ Սարգսյանը:
«Շատ կարևոր օժանդակություն է, որը խթանում է երեխաների՝ դժվարությամբ ձեռքբերվող գործիքների բաժիններ ընդունելությանը»,-ասում է Սայաթ-Նովայի անվան երաժշտական դպրոցի տնօրեն Տիգրան Հեքեքյանը:
Երաժշտական նոր գործիքներն առաջինը բացում, լարում և փորձարկում են աշակերտները: Ուսուցիչները հետ չեն մնում սաներից: Մասնագիտական աչքով ու ականջով փորձում են գնահատել որակը: Կարևորը՝ ծառայի երկար և հաջողություններ բերի պատանի երաժիշտներին:
«Այս տարի առաջին անգամ ծրագիրն իրականացվեց գնման ընթացակարգով, այդպիսով՝ մրցակցային պայմաններ ստեղծելով դաշտում գործող կազմակերպությունների համար»,-ընդգծում է Գոշ Սարգսյանը:
Երաժշտական նոր գործիքները բաժին կհասնեն կրթօջախների լավագույն այն սաներին, ովքեր բավարար միջոցներ չունեն: Նոր գործիքներով երաժշտական կրթօջախները մտադիր են գրավել նոր բեմեր՝ Երևանում և արտերկրում:
