17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Նախագահ Սարգսյանը շնորհավորական ուղերձ է հղել Հունաստանի նորընտիր նախագահին
Քաղաքականություն
25.01.2020 | 10:59
Հանրապետության նախագահ Արմեն Սարգսյանը շնորհավորական ուղերձ է հղել տիկին Էկատերինի Սակելլարոպուլուին՝ Հունաստանի Հանրապետության նախագահի պաշտոնում ընտրվելու կապակցությամբ:
Ուղերձում, մասնավորապես, ասված է.
«Հայաստանը մեծապես կարևորում է բարեկամ Հունաստանի հետ նույնական արժեքների, պատմական սերտ առնչությունների և փոխադարձ ջերմ կապերի վրա հիմնված ավանդական հարաբերությունների շարունակական զարգացումը:
Հունաստանը եղել և մնում է Հայաստանի հուսալի բարեկամն ու գործընկերը:
Վստահ եմ, որ Ձեր պաշտոնավարման ժամանակաշրջանը կնշանավորվի մեր երկրների և ժողովուրդների միջև եղբայրական հարաբերությունների խորացմամբ և բազմոլորտ համագործակցության զարգացմամբ ինչպես երկկողմ, այնպես էլ բազմակողմ ձևաչափերում»:
