14.12.2025 | 11:03
Փաշինյանը պատարագի է մասնակցում Այգեշատի Սուրբ Գևորգ եկեղեցում․ ՈՒՂԻՂ
Երևան-Թեհրան թռիչքները վերականգնվել են
Տնտեսություն
14.01.2020 | 12:39
Այսօրվանից վերականգնվել են Երևան-Թեհրան թռիչքները։ Տեղեկությունը Factor.am-ի հետ զրույցում հաստատեց Քաղաքացիական ավիացիայի կոմիտեի թռիչքային գործունեության վարչության պետ Գրիգոր Հայրապետյանը։
Նրա խոսքով՝ դեպի Թեհրան թռիչքներն իրականացվում են Armenia Airways-ի օդանավերով։ «Վերականգնումից հետո, քիչ առաջ, իրականացվեց դեպի Թեհրան առաջին չվերթը»,- ասաց Հայրապետյանը։
Ըստ նրա՝ ավելի վաղ Քաղավիացիայի կոմիտեն հորդորել էր դեպի Իրանի տարածք թչիքներ չիրականացնել կամ, իրականացնելու դեպքում, չթռչել 7500 մետրից պակաս բարձրության վրա։
«Ամեն դեպքում, ավիաընկերությունն է որոշում՝ թռիչքները շարունակել, թե՞ ոչ։ Այսօրվա դրությամբ՝ Թեհրանի օդանավակայանները գործում են, ոչ մի վտանգ կամ սահմանափակում չունեն։ Պարզապես, եվրոպական երկրների մեծ մասը հորդորել է թռիչքներ չիրականացնել»,- ասաց Հայրապետյանը։
Հիշեցենք, որ Երևան-Թեհրան թռիչքները դադարեցվել էին այն բանից հետո, երբ հունվարի 8-ին Թեհրանի մերձակայքում ուկրաինական Boeing-737 օդանավը խոցման պատճառով 176 մարդ էր զոհվել։
Նելլի Մելքոնյան
