Հասարակություն
18.10.2017 | 12:59Հայաստանում օնլայն առևտրով զբաղվող «Գլոբբինգ» ընկերությունը մտահոգված է Ռուսաստանի կառավարության նախաձեռնությամբ: ՌԴ կառավարությունը նախատեսում է առաջիկայում Պետդումայի հաստատմանը ներկայացնել օրինագիծ, որով առանց մաքսավճարի օնլայն գնումներ կատարելու շեմը կնվազեցվի և կհասցվի 20 եվրոյի, այժմ գործող 1000 եվրոյի փոխարեն:
Ընկերության հիմնադիր Դավիթ Հարությունյանը կարծում է, որ եթե Ռուսաստանում այս փոփոխությունը կատարվի, ապա չի բացառվում՝ Հայաստանի կառավարությունը ևս շեմը նվազեցնի:
Նշենք, որ Հայաստանում այժմ քաղաքացիներն առանց մաքսատուրքի առցանց գնումներ կարող են կատարել մինչև 200 հազար դրամի սահմաններում, իսկ եթե ՌԴ-ից հետո այս փոփոխությունը կատարվի նաև Հայաստանում, ապա քաղաքացիների՝ առանց մաքսավճարի գնումներ կատարելու հնարավորությունը կսահմանափակվի՝ հասնելով մոտ 11 հազար դրամի:
«Սա շատ լուրջ կսահմանափակի մեր քաղաքացիների՝ ապրանք ունենալու ազատությունը: Հիմա մարդիկ որոշակի գնային սահմաններում արտասահմանից գնում են ապրանք, որը բերում են Հայաստան: Եթե այն չի գերազանցում սահմանված շեմը, առանց մաքսազերծման ստանում և օգտագործում են: Սակայն եթե շեմը բարձրացվի՝ քաղաքացիները կզրկվեն որակյալ և էժան ապրանք ձեռք բերելու հնարավորությունից»,- ընդգծեց Դավիթ Հարությունյանը:
Մանրամասները՝ տեսանյութում:
