18.10.2026 | 15:52
Ծանրորդ Էմմա Պողոսյանը` Եվրոպայի երիտասարդների առաջնության ոսկե մեդալակիր
Անգելա Մերկելը հունվարին կմեկնի Թուրքիա
Քաղաքականություն
27.12.2019 | 22:06
Գերմանիայի կանցլեր Անգելա Մերկելը 2020թ. հունվարին մեկնելու է Թուրքիա: Այդ մասին հայտնում է գերմանական «Süddeutsche Zeitung» թերթը. գրում է ermenihaber-ը:
Նշվում է, որ հանդիպման ընթացքում Անգելա Մերկելը և Թուրքիայի նախագահ Ռեջեփ Թայիփ Էրդողանը քննարկելու են Սիրիայի հարցի շուրջ վերջին զարգացումները, սիրիացի փախստականների թեման և Անկարայի կողմից Լիբիա զորախումբ ուղարկելու ծրագիրը:
Նշվում է, որ կանցլեր Մերկելն անհանգստացած է Թուրքիայի և ԵՄ-ի միջև 2016թ. ստորագրված փախստականների համաձայնագրի ապագայով, ինչպես նաև թուրք-սիրիական սահմանին և հունական կղզիներում սիրիացի փախստակնների ահագնացող հոսքով:
Ավելի վաղ Թուրքիայի նախագահը հայտարարել էր, որ Սիրիայի Իդլիբ նահանգում տեղի ունեցող բախումների հետևանքով մեծացել է սիրիացի փախստականների հոսքը դեպի Թուրքիա և հավելել, որ իրենք չեն պատրաստվում իրենց ուսերին միայնակ կրել այդ «բեռը»:
