22.07.2026 | 23:29
СHP-ի նկատմամբ ճնշումների ֆոնին՝ Թուրքիայի ընդդիմության առաջնորդը հայտնել է նոր կուսակցություն ստեղծելու մասին
«Զեյթունի» կահույքի գործարանի տնօրենի և ՀՖՖ տեխ. հսկիչի` երկիրը լքելու մասին տեղեկություն ՔԿ-ն այս պահին չունի
Հասարակություն
25.12.2019 | 15:28
«Ժամանակ» օրաթերթն այսօր գրել էր, որ «Դեկտեմբերի 20-ին տեղեկություն տարածվեց, որ ՀՀ քննչական կոմիտեի ՀԿԳ քննության գլխավոր վարչության ընդհանուր բնույթի և ընտրական հանցագործությունների քննության վարչությունում հարուցված քրեական գործի շրջանակում որոշում է կայացվել ձերբակալել ՀՖՖ նախկին նախագահ Ռուբեն Հայրապետյանին պատկանող Զեյթունի կահույքի գործարանի տնօրենին և ՀՖՖ տեխ.հսկիչին: Մեր տեղեկություններով՝ նշյալ անձինք այլևս Հայաստանում չեն, և նրանց երկրից փախչելուն ակտիվորեն նպաստել է Ռուբեն Հայրապետյանը»:
Տեղեկությունը ճշտելու համար դիմեցինք վարույթն իրականացնող մարմնին։
Քննչական կոմիտեից Factor.am-ին հայտնեցին, որ սույն անձանց կողմից երկրից բացակայելու վերաբերյալ տեղեկություն այս պահին չունեն: «Եթե անգամ նրանք երկրում չեն, ապա դա նշանակում է, որ սահմանը լքել են դեռ այն ժամանակ, երբ չեն ունեցել կասկածյալի կարգավիճակ, հակառակ պարագայում երկիրը լքելու արգելք կլիներ»,- ասաց Քննչական կոմիտեի խոսնակ Նաիրա Հարությունյանը։
