07.04.2026 | 23:00
Ռուսաստանը և Չինաստանը խափանել են ՄԱԿ-ի ԱԽ-ի բանաձևը Հորմուզի նեղուցի վերաբերյալ
Այս տարին կորակավորեի որպես տնտեսական հիասթափության տարի․ Արթուր Խաչատրյան. ՏԵՍԱՆՅՈՒԹ
Տնտեսություն
23.12.2019 | 13:19
Ես այս տարին կորակավորեի որպես տնտեսական հիասթափության տարի, որովհետև տարվա սկզբին հայտարարվեց տնտեսական հեղափոխություն իրականացնելու մասին, սակայն տարվա ավարտին մնացել է շատ քիչ ժամանակ, և տնտեսական հեղափոխություն որպես այդպիսի չենք տեսնում։
Այս մասին «Տնտեսությունը 2019 թվականին. արդյունքներ և մտահոգիչ միտումներ» թեմայով քննարկման ժամանակ ասաց ՀՅԴ ԳՄ անդամ, գյուղատնտեսության նախկին նախարար Արթուր Խաչատրյանը։
«Դրական բաներ եղել են․ հարկային վարչարարության բարելավում է եղել և դրա շնորհիվ բյուջետային մուտքերի ավելացում է եղել։ Մնացած բնագավառներում ունենք դանդաղ աճ»,- նշեց Խաչատրյանը։
Նա նկատեց, որ իրենց համար հստակ չէ՝ տնտեսական աճ ունենք, որովհետև ստվե՞րն է կրճատվել, թե՞ իրոք ունենք տնտեսական աճ։
«Ես, օրինակ՝ կցանկանայի, որպեսզի նշվեին մոնոպոլիաներ՝ մի 5 ընկերություն, որոնք ՀՀ-ում զբաղեցրել են մոնոպոլ դիրքեր 2018 թվականի մայիսի 1-ի դրությամբ, և որոնք կազմաքանդվել էն 2019 թվականի դեկտեմբերի 23-ի դրությամբ»,- նշեց Արթուր Խաչատրյանը։
Մանրամասները՝ տեսանյութում։
