12.08.2026 | 19:06
Զելենսկին շնորհավորել է Փաշինյանին
Նարեկ Սարգսյանն այժմ քրեակատարողական հիմնարկում է. ոստիկանապետի պաշտոնակատար. ՏԵՍԱՆՅՈՒԹ
Հասարակություն
21.12.2019 | 12:07
Սերժ Սարգսյանի եղբորորդին՝ Նարեկ Սարգսյանը, այս պահին քրեակատարողական հիմնարկում է։ Այս մասին լրագրողների հետ զրույցում ասաց ոստիկանապետի պաշտոնակատար Արման Սարգսյանը։
Նա այլ մանրամասներ չփոխանցեց։
Հիշեցնենք, որ 2018 թվականի հունիսի 26-ին ՀՀ Ազգային անվտանգության ծառայությունում քրեական գործ էր հարուցվել՝ քրեական օրենսգրքի ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելու հատկանիշներով:
Հուլիսի 6-ին Նարեկ Սարգսյանի նկատմամբ հայտարարվել էր հետախուզում, հուլիսի 24-ին՝ միջազգային հետախուզում: Ոստիկանության տարբեր ստորաբաժանումներ, ինչպես և ՀՀ-ում Ինտերպոլի ազգային կենտրոնական բյուրոն, համագործակցելով եվրոպական մի շարք երկրների իրավապահ կառույցների ու Ինտերպոլի հետ, ծավալուն օպերատիվ-հետախուզական միջոցառումների շնորհիվ, դեկտեմբերի 6-ին Պրահայում հայտնաբերել էին ՀՀ իրավապահ մարմինների կողմից միջազգային մակարդակով հետախուզման մեջ գտնվող Նարեկ Ալեքսանդրի Սարգսյանին: Հարուցված քրեական գործի նախաքննությունը շարունակվում է»,- ասված է հաղորդագրությունում:
Մանրամասները՝ տեսանյութում:
Նարեկ Կիրակոսյան
