17.12.2025 | 17:37
ԱԺ «Հայաստան» խմբակցության երեք պատգամավոր երաշխավորություն են ներկայացրել Վարդան Ղուկասյանի խափանման միջոցը փոխելու համար
Ֆորումը՝ որպես ներդրումների նոր և արդյունավետ հարթակ
Տնտեսություն
20.12.2019 | 17:46
2020-ի մարտի 24-26-ը Դուբայում կանցկացվի «Ներդրումներ ապագայի համար. Համաշխարհային ներդրումային քաղաքականությունների հեռանկարները» խորագրով ներդրումային ֆորում: Ինչպես տեղեկանում ենք ՀՀ Էկոնոմիկայի նախարարության պաշտոնական կայքից, արդեն կազմակերպիչները մասնակիցներին ներկայացրել են ֆորումի նպատակները, գործունեությունը, ներդրումային հնարավորությունները և պատասխանել նրանց հետաքրքրող հարցերին։ Այն լավ հնարավորություն է և արդյունավետ ներդրումային հարթակ՝ տարբեր երկրների, ինչպես նաև մասնավոր հատվածի համար ներկայացնելու իրենց ներդրումային հնարավորությունները պոտենցիալ ներդրողներին։
Ֆորումի ընթացքում կանցկացվեն «կլոր սեղան»-քննարկումներ, որտեղ պետական մարմինները կներկայացնեն իրենց երկրների ներդրումային միջավայրերը։ Կքննարկվեն տարբեր երկրների գործարար հնարավորությունները, կներկայացվեն երկրներում իրականացվող ներդրումային ծրագրերն ու ներդրումային լուրջ ներուժ ունեցող ոլորտները: Ֆորումը կթիրախավորի ինչպես ներդրումների ներգրավման ուղղությունը, այնպես էլ ՓՄՁ զարգացման ու տեխնոլոգիական ստարտափերի առաջմղման հարցերը։
Նշենք, որ 2019-ի հունվար-սեպտեմբերին ուղղակի, պորտֆելային և այլ ներդրումները կազմել են 128 350.9 մլն. դրամ, որից միայն ուղղակի ներդրումները՝ 32 608.2 մլն. դրամ:
