29.04.2026 | 13:19
Արման Ծառուկյանը հայտնել է՝ ինչու չի մասնակցելու Սպիտակ տան մրցաշարին
«ԷՅ ԲԻ ՍԻ Տեքստիլ» ընկերությանն արտոնություն տրվեց. ՏԵՍԱՆՅՈՒԹ
Տնտեսություն
19.12.2019 | 14:13
Կառավարության նիստի ժամանակ քննարկվեց Հայաստանի Հանրապետության կառավարության 2018 թվականի մայիսի 3-ի N 530-Ա որոշման մեջ լրացումներ և փոփոխություն կատարելու մասին հարցը։
Հարցը զեկուցող էկոնոմիկայի նախարար Տիգրան Խաչատրյանը տեղեկացրեց, որ սրանով առաջարկվում է մաքսատուրքից ազատման արտոնություն տալ «ԷՅ ԲԻ ՍԻ Տեքստիլ» ընկերությանը, որը գործում է Արարատի մարզում։
«Կազմակերպությունը տեքստիլ ոլորտում արտադրությամբ է զբաղվում 2017 թվականից, նախկինում ունեցել է Կառավարությունից ստացված արտոնություն, այս հայտով դիմել է ավելի քան 10 մլրդ դրամ ընդհանուր արժեքով ապրանքների ներմուծման հարկից ազատելու խնդրանքով։ Այս ծրագրի իրականացման արդյունքում ստեղծվելու է ևս 110 նոր աշխատատեղ, միջին աշխատավարձի չափը՝ 192 հազար դրամ»,- տեղեկացրեց նախարարը։
Տիգրան Խաչատրյանը Կառավարությանը ներկայացրեց նաև Հայաստանի Հանրապետության 2019 թվականի պետական բյուջեում վերաբաշխում և Հայաստանի Հանրապետության կառավարության 2018 թվականի դեկտեմբերի 27-ի N 1515-Ն որոշման մեջ փոփոխություններ կատարելու մասին հարցը։ Տիգրան Խաչատրյանը նշեց, որ այս առաջարկով առաջարկվում է վերաբաշխում կատարել պետական բյուջեի շրջանակներում գյուղատնտեսության աջակցության ծրագրերի միջև։
«Ծրագրերից մեկը, որ իրականացվում է, գյուղատնտեսության ոլորտին տրամադրվող վարկերի տոկոսադրույքների սուբսիդավորման ծրագիրն է, իրականացվում է ավելի մեծ ծավալով, քան նախատեսել էինք ի սկզբանե»,- տեղեկացրեց Խաչատրյանը։
Նիկոլ Փաշինյանն էլ նկատեց՝ թվերից երևում է, որ գյուղատնտեսական վարկերի ակտիվացում է նկատվել։
Մանրամասները՝ տեսանյութում։
