17.11.2024 | 23:16
Բայդենը թույլատրել է Ուկրաինային օգտագործել ԱՄՆ-ից մատակարարված հեռահար հրթիռները․ AP
ՀՔԾ-ն չի մեկնաբանում Սերժ Սարգսյանի և Սերգո Կարապետյանի առերեսման մասին տեղեկությունը
Հասարակություն
16.12.2019 | 12:14
Հատուկ քննչական ծառայությունը չի մեկնաբանում տեղեկությունը, թե որդյոք երրորդ նախագահ Սերժ Սարգսյանն ու գյուղատնտեսության նախկին նախարար Սերգո Կարապետյանը Հատուկ քննչական ծառայությունում առերեսվել են, թե՝ ոչ։
Նշենք, որ «Հայկական ժամանակը» հղում անելով իր աղբյուրներին գրել էր, որ նման առերեսում է տեղի ունեցել։ Մոտ կես միլիարդ ՀՀ դրամի հափշտակություն կազմակերպելու համար մեղադրվող Սերժ Սարգսյանի պաշտպան Ամրամ Մակինյանը ևս Factor.am-ի հետ զրույցում չցանկացավ չակերտներ բացել, միայն ասաց, որ առերեսումներ Սերժ Սարգսյանի մասնակցությամբ տեղի են ունեցել, բայց թե ում հետ չմանրամասնեց։
Պաշտպանը նաև չցանկացավ մեկնաբանել մամուլի այն տեղեկությունները, թե հենց Սերգո Կարապետյանն է Սերժ Սարգսյանի դեմ ցուցմունք տվել։ Նշենք, որ այս քրեական գործով մեղադրյալի կարգավիճակ ունի նաև «Ֆլեշ» ընկերության նախագահ Բարսեղ Բեգլարյանը:
Լիլիթ Շաբոյան
