13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
ՀՀ-ում բռնությունը կոռուպցիայի նման պետք է արմատախիլ արվի․ Նիկոլ Փաշինյան. ՏԵՍԱՆՅՈՒԹ
Հասարակություն
12.12.2019 | 13:32
Կառավարությունում այսօր քննարկվեց «Հայաստանի Հանրապետության քրեական օրենսգրքում լրացում կատարելու մասին» և «Հայաստանի Հանրապետության քրեական դատավարության օրենսգրքում լրացում կատարելու մասին» ՀՀ օրենքների նախագծերի փաթեթին հավանություն տալու մասին հարցը։
Վարչապետ Նիկոլ Փաշինյանը նկատեց, որ որոշ հարցերի նկատմամբ կեցվածքն իրեն դուր չի գալիս։
«Օրինակ՝ մարդիկ բռունցք են թափ տալիս, որ այս դավադիր Կառավարությունն ուզում է Ստամբուլյան կոնվեցիան վավերացնի։ Պարո՛ն Բադասյան, մենք միջազգային իրավական գնահատական ստացա՞նք, թե ի վերջո, դա ո՞ւմ նկատմամբ բռնությունը գործադրելը կանխարգելելու մասին կոնվենցիա է»,- հարցրեց վարչապետը։
Արդարադատության նախարար Ռուստամ Բադասյանը պատասխանեց, որ ստացել են Վենետիկի հանձնաժողովի կարծիքը. «Մեր խնդրանքով անդրադարձել են այն բոլոր փաստարկներին, որոնք հնչել են հանրային քննարկումների ընթացքում, որոնք ակնհայտորեն այլ լույսի ներքո են ներկայացվել»:
Վարչապետը հավելեց, որ պետք է հստակ արձանագրել, որ ՀՀ-ում բռնությունը կոռուպցիայի նման պետք է արմատախիլ արվի։
Մանրամասները՝ տեսանյութում։
