17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
7 հոգու նպաստ տալը չի կարող երկրի զարգացման համար հիմնարար դրույթ լինել․ Միքայել Մելքումյան. ՏԵՍԱՆՅՈՒԹ
Քաղաքականություն
11.12.2019 | 11:22
«ՍԴ դատավորների վաղ կենսաթոշակի գնալու նախագծի՝ երեկվա ամբողջ քննարկումը գնաց այն ուղղությամբ, որ ովքեր որ կողմ չեն, երկրի զարգացմանը դեմ են։ Սա, բնականաբար, չի կարող ճիշտ և ճշմարտացի լինել, որովհետև քաղաքական մեծամասնության կողմից այլակարծությունը մերժելը դրվել է կամ դրվում է արդյունաբերական հիմքերի վրա։ Նույնը մանիպուլյացիոն քաղաքականություն իրականացնելը»,- այս մասին ԱԺ-ում ասաց «Բարգավաճ Հայաստան» խմբակցության պատգամավոր Միքայել Մելքումյանը։
Նրա կարծիքով՝ այս թեզը ճիշտ չէ։
«7 հոգու նպաստ տալը չի կարող երկրի զարգացման համար հիմնարար դրույթ լինել։ Եթե մենք դեմ ենք դրան, չի նշանակում՝ դեմ ենք երկրի զարգացմանը»,- ընդգծեց Մելքումյանը։
Հիշեցնենք, որ Ազգային ժողովում քննարկվում է Կառավարության կողմից ներկայացված Սահմանադրական դատարանի մասին Սահմանադրական օրենքում լրացում կատարելու մասին և Պաշտոնատար անձանց գործունեության ապահովման, սպասարկման և սոցիալական երաշխիքների մասին օրենքում լրացում կատարելու մասին նախագծերի փաթեթը երկրորդ ընթերցմամբ ընդունելու հարցը։
Մանրամասները՝ տեսանյութում։
