07.12.2025 | 18:30
Իրավիճակը՝ 18:10-ի դրությամբ․ հանրապետության որոշ հատվածներում ձյուն է տեղում, որոշներում՝ ձնախառն անձրև
Պաշտպանի՝ «բոյկոտում ենք» խոսքից հետո Մանվել Գրիգորյանի առողջական վիճակը վատացավ. դատախազը աղմկահարույց հայտարարություն արեց. ՏԵՍԱՆՅՈՒԹ
Հասարակություն
10.12.2019 | 15:14
Նազիկ Ամիրյանի գործով այսօրվա դատական նիստում պաշտպանական կողմը դատավոր Մնացական Մարտիրոսյանին հերթական ինքնաբացարկի միջնորդությունը ներկայացրեց: Նրանք հայտարարում էին, որ Մանվել Գրիգորյանի գործից այս մասը անջատելով խախտվում է մրցակցային սկզբունքը և որ դատավորը կողմնակալ մոտեցում ունի գործով:
Մեղադրող դատախազը առարկեց միջնորդության դեմ՝ ասելով, որ կարևոր է, որպեսզի ողջամիտ ժամկետում քրեական գործը քննվի և որ գործից մաս անջատելով մրցակցային սկզբունքի խախտման մասին խոսք լինել չի կարող:
Դատախազը աղմկահարույց հայտարարություն արեց դատարանում Մանվել Գրիգորյանի առողջական վիճակի հետ կապված: Մասնավորապես նա հղում անելով նախորդ դատական նիստին՝ ասաց, որ ձայնագրությունները լսելիս պարզ է դառնում, որ երբ դատական նիստի ժամանակ պաշտպանն ասել է, թե բոյկոտում ենք, դրան հաջորդել է այն, որ Մանվել Գրիգորյանի առողջական վիճակը վատացել է:
Դատախազի այս աղմկահարույց հայտարարությանը դատարանը չթույլատրեց պաշտպանական կողմին պատասխանել:
Երբ նիստն ընդմիջվեց, որպեսզի դատարանը հեռանա որոշում կայացնելու Նազիկ Ամիրյանը մոտեցավ դատախազին և ասաց. «Աստված տա Մանվել Գրիգորյանի հիվանդությունների հիսուն տոկոսը ունենաս»:
Մանրամասները՝ տեսանյութում:
Լիլիթ Շաբոյան
