11.10.2026 | 12:06
Հայ զինծառայողները վարժանքներ են անցկացրել «Արամազդ» հրետանային միջոցով և նոր տեխնիկայով
Կենսապահովման նվազագույն բյուջեն՝ չմեռնելու գինը, 70 000 դրամ է, նվազագույն աշխատավարձը՝ 55 000, լուծե՛ք այս հավասարումը. Թաթուլ Մանասերյան
Տնտեսություն
13.10.2017 | 15:53
Կառավարությանը հրավիրում եմ հաշվետվություն ներկայացնելու. լրագրողների հետ հանդիպմանը հայտարարեց տնտեսագետ Թաթուլ Մանասերյանը՝ խոսելով ապրանքների թանկացումից:
«Եթե գյուղացուն առավոտը 5-6-ին դիմավորում են խմբիշխանները, ու գրեթե պարտադրելով գնում են մթերքը նվազագույն գնով ու հետո վերավաճառում կրկնակի կամ եռակի թանկ, ուզում եմ հարց տալ, էստեղ ի՞նչ գործ ունեն այն կառույցները, որոնց վերապահված է գնաճի զսպումը»,- հարց հնչեցրեց տնտեսագետը:
Անդրադառնալով աշխարհում առկա թանկացումներին, բանախոսն ասաց. «Որոշ տենդեցներ, որ նկատվում են համաշխարհային շուկայում առանձին ապրանքատեսակների վրա, դրանք Հայաստանում իհարկե իրենց ազդեցությունը թողնում են, բայց ոչ համարժեք»:
Ապա համեմատելով Հայաստանի Հանրապետությունում սահմանված նվազագույն աշխատավարձը, որը 55 հազար դրամ է և Առողջապահության նախարարության հաշվարկած կենսապահովման նվազագույն բյուջեն, որ 70 հազար դրամից ավելի է, ասաց. «Կենսապահովման նվազագույն բյուջեն ես անվանում եմ չմեռնելու գինը, տրանսպորտի ծախսերը, կոմունալը հանած, միայն սնունդ: Դե գնացեք լուծեք 55 000-ի ու 70 000-ի հավասարումը»:
Մանրամասները տեսանյութում:
