07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Եվրանեսթ ԽՎ-ն հայաստանյան պատվիրակության ղեկավարի կոչով հարգեց Հայոց Ցեղասպանության զոհերի հիշատակը. ՏԵՍԱՆՅՈՒԹ
Քաղաքականություն
09.12.2019 | 19:36
Այսօր Թբիլիսիում «Եվրանեսթ» Խորհրդարանական վեհաժողովի բացման արարողության ժամանակ ունեցած ելույթում ՀՀ ԱԺ «Իմ քայլը» խմբակցության պատգամավոր, «Եվրանեսթ» ԽՎ-ում հայկական պատվիրակության անդամ Գայանե Աբրահամյանը ներկայացրել է Հայաստան-ԵՄ հարաբերություններն ու ակնկալիքները, Արցախի ժողովրդի ինքնորոշման իրավունքի և անվտանգության հարցերը։
Հաշվի առնելով, որ դեկտեմբերի 9-ը ՄԱԿ-ի Ցեղասպանության հանցագործության զոհերի հիշատակի և արժանապատվության և այդ հանցագործության կանխարգելման միջազգային օրն է՝ Գայանե Աբրահամյանը խոսել է նաև Հայոց Ցեղասպանության մասին։ Հայ պատգամավորի կոչով «Եվրանեսթ» ԽՎ-ի պատվիրակները հոտնկայս մեկ րոպե լռությամբ իրենց հարգանքի տուրքն են մատուցել Հայոց Ցեղասպանության և աշխարհում իրագործված բոլոր ցեղասպանությունների զոհերի հիշատակին։
