03.08.2026 | 15:46
ԵՄ-ում ուժի մեջ է մտել ԱԲ-ի կողմից ստեղծված բովանդակությունը պիտակավորելու պահանջը
Մերկ մարդուն կոշիկներ ենք հագցնում և ասում ենք՝ քայլի՛ր․ Անի Սամսոնյան. ՏԵՍԱՆՅՈՒԹ
Քաղաքականություն
09.12.2019 | 18:09
Ազգային ժողովում քննարկվում է «Բազմաբնակարան շենքի կառավարման մասին» ՀՀ օրենքում լրացում և փոփոխություններ կատարելու մասին» օրենսդրական նախաձեռնությունների փաթեթը:
«Լուսավոր Հայաստան» խմբակցության պատգամավոր Անի Սամսոնյանը նկատեց, որ միշտ մտածել են, թե ինչ պետք է անեն, որպեսզի փոխեն այս համակարգը։
«Ըստ այդմ՝ նույնիսկ պրոֆեսիոնալ մարդիկ զերծ են մնացել ինչ-որ հատային միջամտություններ անելու՝ այս խնդրին լուծում տալու համար, որովհետև հասկացել են, որ համակարգն ինքնին ամբողջությամբ փտած է, ինստիտուտը չի գործում։ Ցանկացած փոքր միջամտություն կարող է ավելի շատ խարխլել դրա հիմքերը։ Կարծում եմ՝ այս խնդիրը խորթ զավակ է Կառավարության համար, որովհետև նախարարից նախարար փոխվելու ժամանակ խնդիրը հետաձգվում է։ Չկա խումբ, որն ինստիտուցիոնալ աշխատում է։ Մենք պետք է հասկանանք ՝ որո՞նք են լինելու համատիրությունների ձևավորման սկզբունքները, փոխենք մոդելը, ինչպե՞ս է լինելու համատիրություն-բնակիչ իրավահարաբերությունը, ինչպե՞ս են իրականացվելու հաշվետվողականության ֆունկցիաները, նոր որոշենք, թե ինչպես պետք է հավաքագրենք գումարները։ Տպավորություն է, որ մերկ մարդուն կոշիկներ ենք հագցնում և ասում ենք՝ քայլիր»,- ասաց Սամսոնյանը։
Մանրամասները՝ տեսանյութում։
