07.09.2026 | 15:57
Հայաստանն ու Վրաստանը քննարկել են նոր ուղիղ ավիաչվերթների բացումը
Երևանում դպրոցականների խմբակային վեճն ավարտվել է դանակահարությամբ. Shamshyan.com
Հասարակություն
08.12.2019 | 15:27
Երևանի կենտրոնում դպրոցականների միջև ծագած վիճաբանությունը վերածվել է ծեծկռտուքի ու հասել դանակահարության։ Այս մասին գրում է Shamshyan.com-ը։
Դեկտեմբերի 7-ին, 19։05-ի սահմաններում, «Սուրբ Աստվածամայր» բժշկական կենտրոնից ոստիկանության կենտրոնական բաժին ահազանգ է ստացվել, որ շտապօգնության խումբն իրենց մոտ է տեղափոխել մի տղայի։ Նրա մոտ ախտորոշվել է «ձախ թոքի վնասվածք, թիկունքի շրջանի ծակած վերք, ձախ թիկունքի, թիկունք շրջանի ծակած վերք, ձախ թիկունքի վնասվածք»։
Դեպքի հետքերով մեկնած ոստիկանները պարզել են, որ վիրավորը Երևան քաղաքի 16-ամյա բնակիչ Արտակ Բ-ն է։ Տղան հիվանդանոց է տեղափոխվել Պուշկինի փողոցի 31 շենքի բակից, որտեղ իր հասակակից Վիտալի Ա-ի հետ վիճաբանության ժամանակ անհայտ անձը սուր կտրող-ծակող առարկայով հարվածել է Արտակ Բ-ին։
Ձեռնարկված օպերատիվ գործողությունների արդյունքում Մաշտոցի պողոտայից մարմնական վնասվածքներ պատճառելու կասկածանքով բերման է ենթարկվել 8 անձ` 15-ամյա Հրանտ Պ-ն, Քրիստ Գ-ն, 16-ամյա Էդմոն Հ-ն, Ռոբերտ Գ-ն, Էրիկ Ն-ն, 17-ամյա Սուրեն Ս-ն, Սերգեյ Դ-ն և Արսեն Ղ-ն։ Ժամեր անց Բաղրամյան պողոտայի շենքերից մեկի բակից ոստիկանության կենտրոնական բաժին են բերման ենթարկվել Վիտալի Ա-ն և 16-ամյա Արսեն Ա-ն, իսկ որոշ ժամանակ անց բացատրական աշխատանքների արդյունքում ինքնակամ կենտրոնի ոստիկանություն է ներկայացել 18-ամյա Դավիթ Մ-ն։
Ոստիկանները պարզել են, որ նույն օրը` ժամը 18։00-ի սահմաններում, Պուշկինի փողոցի 31 շենքի բակում վիճաբանություն է տեղի ունեցել, որի մասնակիցներից մեկը դանակով հարվածներ է հասցրել Արտակ Բ-ին։ Նշենք, որ դանակահարած անձի ինքնությունն առայժմ չի հրապարակվում։
