21.05.2026 | 20:28
«Վերջին զանգի» միջոցառումներով պայմանավորված՝ Ոստիկանությունը ուժեղացված ծառայություն կիրականացնի
Քաղաքապետարանում չգիտեն, թե Բրեգովիչին որքան գումար են տալու՝ Նոր տարվա գիշերը երգելու համար. ՏԵՍԱՆՅՈՒԹ
Քաղաքականություն
06.12.2019 | 14:17
Որքա՞ն է արժեցել Գորան Բրեգովիչին Երևան հրավիրելը մեր բյուջեի վրա: Այս մասին Երևանի ավագանու արտահերթ նիստում հարց ուղղեց ԲՀԿ խմբակցության անդամ Հռիփսիմե Առաքելյանը:
Նա նկատեց, որ Ամանորի միջոցառումների համար Կառավարությունը հատկացնում է 271 մլն դրամ, իսկ Երևանի բյուջեից կհատկացվի 54 մլն դրամ:
«Որքա՞ն է հոնորարը Բրեգովիչի և ինչպե՞ս եք որոշել, որ Ամանորի գիշերը մեզ մոտ հյուրընկալվեր Բրեգովիչը և ոչ մեկ ուրիշը: Չհաշված այն, որ Բրեգովիչը աշխարհահռչակ ու տաղանդավոր երաժիշտ է, սակայն հայ հանրության համար ոչ այնքան հայտնի»,- ասաց Առաքելյանը:
Փոխքաղաքապետ Հայկ Սարգսյանը նշեց, որ ինքը տեղյակ չի հոնորարի չափից, քանի որ ընկերությունն է կազմակերպում երաժշտի ելույթը, և թե ընդհանուր արժեքի մեջ որքան է կազմում հոնորարն առանձին, նշել չի կարող. «Եթե կարիք կա, գրավոր կարող եք դիմել, կպատասխանենք»:
Մանրամասները՝ տեսանյութում:
Նարեկ Կիրակոսյան
