08.12.2025 | 18:51
Թուրքական ռազմական ավտոշարասյուները Հյուսիսային Սիրիա են մտել․ սա ներխուժման մտավախություններ է առաջացնում. ՏԵՍԱՆՅՈՒԹ
«Ստի հետ չի կարելի բանավիճել»․ Լարիսա Մինասյան. ՏԵՍԱՆՅՈՒԹ
Քաղաքականություն
05.12.2019 | 16:27
Այսօր «Մեդիա կենտրոնում»՝ «Քաղաքացիական հասարակությունը ՄԱԿ-ի համընդհանուր պարբերական դիտարկմանն ընդառաջ» թեմայով մամուլի ասուլիսին, որին մասնակցում էր նաև «Բաց հասարակության հիմնադրամներ-Հայաստանի» գործադիր տնօրեն Լարիսա Մինասյանը, լրագրողները հերթական անգամ խնդրեցին մեկնաբանել ԱԱԾ նախկին տնօրեն Արթուր Վանեցյանի հայտարարությունը՝ կապված «Բաց հասարակության հիմնադրամներ-Հայաստանի» հետ։
Մասնավորապես՝ 5-րդ ալիքի լրագրողը նշեց, որ Արթուր Վանեցյանի հնչեցրած հայտարարությանը «Բաց հասարակության հիմնադրամներ-Հայաստան»-ը որևէ կերպ չի արձագանքել, ինչին ի պատասխան՝ Լարիսա Մինասյանը նախ հիշեցրեց, որ ԲՀՀ կողմից երկու անգամ արձագանք է եղել այն մասին, որ Վանեցյանի ասածն իրականության հետ զրո համատեղելիություն ունի, և որ սուտը մնում է նրա գործիքակազմի գլխավոր գործիքը, ապա, լրագրողի հարցին, թե այդ դեպքում ինչո՞ւ Արթուր Վանեցյանին դատի չեն տալիս, «Բաց հասարակության հիմնադրամներ-Հայաստան»-ի ղեկավարը նշեց․ «Որովհետև այդ մասշտաբի, այդ ցածրության ստերը միայն շահում են, երբ դրանք շահարկվում և տարածվում են։ Դրանք չտարածելու, դրանցից վեր մնալու նպատակով։ Դու կարող ես բանավիճել ուրիշ կարծիքի հետ, կարող ես բանավիճել ռացիոնալ կամ էմոցիոնալ տարբեր գնահատումների դաշտում, բայց չի կարելի բանավիճել ստի, վարկաբեկումի, անհարիր պահվածքի հետ»։
Մանրամասները՝ տեսանյութում:
Նելլի Մելքոնյան
