07.09.2026 | 13:10
Սահմանային անցակետերը կապում են տնտեսությունները. Հայաստանի ԱԳՄ-ի և Վանի առևտրաարդյունաբերական պալատի հայտարարությունը
Նազիկ Ամիրյանի գործով առաջին դատական նիստը չի կայանա
Հասարակություն
03.12.2019 | 12:27
ԱԺ նախկին պատգամավոր Մանվել Գրիգորյանի կնոջ՝ Նազիկ Ամիրյանի գործով առաջին դատական նիստը չի կայանա:
Երևանի ընդհանուր իրավասության դատարանի Կենտրոն և Նորք-Մարաշ վարչական շրջանների նստավայրից Factor.am-ին տեղեկացրին, որ նիստը հետաձգվել է, քանի որ նախագահող դատավոր Մնացական Մարտիրոսյանի մայրն է մահացել:
Հիշեցնենք, որ ԱԺ նախկին պատգամավոր Մանվել Գրիգորյանի կնոջ՝ Նազիկ Ամիրյանի գործով նախորդ դատական նիստի ընթացքում դատարանը որոշում էր կայացրել Նազիկ Ամիրյանի գործը վարույթից անջատել:
Պաշտպանական կողմն էլ նշել էր, թե հաջորդ դատական նիստին պատրաստվում են դատավորին՝ ինքնաբացարկ հայտնելու միջնորդություն ներկայացնել:
Նշենք, որ Նազիկ Ամիրյանը մեղադրվում է ապօրինի կերպով հրազեն, ռազմամթերք, ակոսափող հրազենի փամփուշտներ, պայթուցիկ նյութեր ձեռք բերելու, փոխադրելու և պահելու համար:
Նելլի Մելքոնյան
