01.11.2024 | 23:19
Հրդեհ Գյումրու տներից մեկում
Ի սկզբանե օդի տուրքի գաղափարը ճիշտ չի դրվել․ Տաթևիկ Ռևազյան. ՏԵՍԱՆՅՈՒԹ
Տնտեսություն
03.12.2019 | 11:53
Ազգային ժողովում մեկնարկել է հերթական քառօրյան։ Նիստի ժամանակ «Լուսավոր Հայաստան» խմբակցության պատգամավոր Արկադի Խաչատրյանը, դիմելով Քաղաքացիական ավիացիայի կոմիտեի նախագահ Տաթևիկ Ռևազյանին, նկատեց, որ կետային թռիչքների վերաբերյալ որևէ խնդիր չկա, մտահոգությունը տրանզիտային թռիչքների շուկայի վերաբաշխման միջամտությունն է պետության և հետևաբար անհավասար պայմաններ է ենթադրում դա։
«Կարծում ենք, որ տուրիստական զբոսաշրջությունը որպես գերակա ուղղություն արտահայտած պետության համար օդի տուրքը հասկանալի չէ։ Եվ օդի տուրքի վերացումը կարևոր քայլ ենք համարում»,- նկատեց Արկադի Խաչատրյանը։ Քաղաքացիական ավիացիայի կոմիտեի նախագահ Տաթևիկ Ռևազյանն էլ ընդգծեց, որ ամենամեծ ռիսկը, որ իրենք տեսնում են 5 տոկոսից քիչ է։
«Ձեր գաղափարը, որ արժի ընդհանրապես օդի տուրքը հանել լրիվ, համամիտ եմ։ Ի սկզբանե օդի տուրքի գաղափարը ճիշտ չի դրվել։ Առաջին քայլն է, և գումարը, որ մտնում է պետբյուջե, ապացուցում ենք, որ աշխատող տարբերակ է, և վերջուն ընդհանրապես հանում ենք օդի տուևրքը»,- ընդգծեց Ռևազյանը։
Հիշեցնենք, որ ԱԺ-ն քննարկում է «Պետական տուրքի մասին» Հայաստանի Հանրապետության օրենքում լրացում կատարելու մասին օրենքի նախագիծը։
Մանրամասները՝ տեսանյութում։
