27.08.2026 | 23:19
Ծանրամարտի Հայաստանի պատանեկան հավաքականը երկրորդ տարին անընդմեջ լավագույնն է Եվրոպայի առաջնությունում
«Տեղյակ չենք եղել՝ ինչ է բեմադրվելու»․Գոռ Սուջյանը՝ «ՀուԶանք ու Զանգ» աղմկահարույց պերֆորմանսի մասին. ՏԵՍԱՆՅՈՒԹ
02.12.2019 | 20:45
Ներկայացումը մեզ ուրիշ կերպ էր ներկայացվել։ Տեղյակ չենք եղել՝ ինչ է բեմադրվելու. այս մասին այսօր՝ Factor.am-ի հետ զրույցում նշեց ռոք երգիչ Գոռ Սուջյանը՝ անդրադառնալով «ՀուԶանք ու Զանգ» աղմկահարույց պերֆորմանսին։
«Մեզ ներկայացվել էր որպես 1920-ականների ասմունքի օր։ Որքանով հիշում եմ՝ նույնիսկ «ֆուտուրիզմ» բառը չի նշվել։ Թերի ինֆորմացիան է աղմուկի պատճառը։ Արդյունքն ինձ համար անհասկանալի էր, փոքր հատված եմ դիտել, բայց անհասկանալի ինչ-որ աղմուկ եմ լսել, որից ոչինչ չեմ հասկացել։ Նման բաներին աշխատում եմ չմասնակցել, որովետև հիմա համոզվեցի, որ կարծիք հայտնելու համար պետք է արվեստագետ լինել։ Իսկ ես շատ երիտասարդ եմ արվեստագետ լինելու համար։ Առհասարակ, այս ամենից հետո ուզում եմ զբաղվել իմ գործունեությամբ»,- ասաց երգիչը։
Հիշեցնենք, որ ՀՀ կրթության, գիտության, մշակույթի և սպորտի նախարարությունը, «ՀուԶանք ու Զանգ» պերֆորմանսի շուրջ ստեղծված աղմուկից հետո հրապարակել էր փաստաթուղթ, որտեղ երևում էր երաժիշտ Գոռ Սուջյանի ստորագրությունը` որպես ներկայացման հանձնաժողովի անդամ։
Մանրամասները՝ տեսանյութում։
Նելլի Մելքոնյան
