17.11.2024 | 21:43
ԵՄ ինտեգրումը Վրաստանի արտաքին քաղաքականության գլխավոր առաջնահերթությունն է
Վիգեն Սարգսյանին առնչվող գործով նախաքննությունը շարունակվում է
Հասարակություն
02.12.2019 | 16:23
Սեպտեմբերի 25-ին ՀՀ քննչական կոմիտեից հայտնեցին, որ 2018թ. հունվարին Երևան քաղաքի Գ. Հասրաթյան փողոցի թիվ 25/6 բազմաբնակարան շենքի բնակարանների հատկացումները «ՀՀ պաշտպանության նախարարության համակարգի զինծառայողների բնակարանային ապահովման մասին» ՀՀ կառավարության 07.03.2007թ. N 384-Ն որոշմամբ սահմանված կարգի խախտումներով կատարելու դեպքի առթիվ ՀՀ քրեական օրենսգրքի 308-րդ հոդվածի 1-ին մասով և 309-րդ հոդվածի 1-ին մասով նախատեսված հանցագործությունների հատկանիշներով հարուցված քրեական գործով ձեռնարկված նախաքննության ընթացքում բավարար ապացույցների համակցություն է ձեռք բերվել` ՀՀ պաշտպանության նախկին նախարար Վիգեն Սարգսյանին պաշտոնեական լիազորություններն անցնելու դեպքով որպես մեղադրյալ ներգրավելու համար:
Այս գործն ուղարկվել էր Հատուկ քննչական ծառայություն։ Ավելի վաղ տեղեկացել էինք, որ գործը ՀՔԾ-ից ուղարկվել էր Դատախազություն, իսկ այնտեղից էլ կրկին Քննչական կոմիտե։
Factor.am-ը փորձեց տեղեկանալ, թե ինչ փուլում է գտնվում պաշտպանության նախկին նախարարի ենթադրյալ մասնակցությամբ քրեական գործը։ Քննչական կոմիտեի խոսնակ Նաիրա Հարությունյանը մեզ փոխանցեց, որ նախաքննությունը շարունակվում է։
Նշենք, որ զինծառողների բնակարանների ապօրինի բաշխման գործով մինչ այս պահը Վիգեն Սարգսյանը մեղադրյալի կարգավիճակ չունի: Նա անդրադառնալով քրեական գործին ասել էր, թե քննչական մարմինները քաղաքական նպատակներ հետապնդող քայլեր են ձեռնարկել։
Լիլիթ Շաբոյան
