10.10.2026 | 19:12
Ֆուտբոլի Հայաստանի հավաքականը հոկտեմբերի 14-17-ը մարզական հավաք կանցկացնի. Մ-17
Հնարավո՞ր է՝ համանման մոդել առաջարկվի Ընդհանուր իրավասության դատարանների համար․ Վահագն Հովակիմյանը՝ նախարարին. ՏԵՍԱՆՅՈՒԹ
Հասարակություն
02.12.2019 | 15:02
Պետաիրավական հանձնաժողովի նիստի ժամանակ «Իմ քայլը» խմբակցության պատգամավոր Վահագն Հովակիմյանը հետաքրքրվեց, թե դատաիրավական համակարգի բարեփոխումների հայեցակարգից բխող այն մոդելը, որն այժմ ներդրվում է Սահմանադրական դատարանի հետ կապված, հնարավո՞ր է նման մոդել ներդրվի նաև Ընդհանուր իրավասության դատարանների դատավորների նկատմամբ։
Արդարադատության նախարար Ռուստամ Բադասյանն, անդրադառնալով հարցին, նկատեց, որ բնականաբար, դա արդեն հաստատված փաստաթուղթ է Կառավարության կողմից, և դրանում նման ինստիտուտ նախատեսված չէ։
«Չեմ բացառում, բայց մենք գնացել ենք այլ ճանապարհով, այսինքն՝ մենք ներդրել ենք այնպիսի գործիքակազմ, որը մշտապես կիրառվելու է բոլոր դատավորների, դատավորների թեկնածուների նկատմամբ։ Այսինքն՝ մի բան չենք անում, որն անցումային է ուղղակի, այլ մշտապես այդ կառուցակարգերը կիրառվելու են»,- ասաց նախարար Բադասյանը։
Հիշեցնենք, որ ՀՀ կառավարությունն առաջարկել է «Հանրային ծառայության մասին և կից օրենքներում փոփոխություններ ու լրացումներ կատարելու մասին» օրենսդրական նախաձեռնությունների փաթեթը, որն էլ հանձնաժողովի այսօրվա օրակարգում է:
Մանրամասները՝ տեսանյութում։
