14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
Հեղափոխությունից հետո հակաժողովրդավարական քարոզչության թիրախում է հայտնվել քաղհասարակությունը․ Դանիել Իոաննիսյան. ՏԵՍԱՆՅՈՒԹ
Հասարակություն
29.11.2019 | 16:04
Հեղափոխությունից հետո իշխանություն-քաղհասարակություն հարաբերությունները դրականորեն փոխվել են. արձանագրում է «Իրազեկ քաղաքացիների միավում» ՀԿ ծրագրերի համակարգող Դանիել Իոաննիսյանը. «Հեղափոխությունից հետո իշխանությունը մեզ ասաց՝ բարի, մենք համաձայն ենք, որ այս խնդիրը կա, բայց ո՞նց լուծենք, ու դու հասկանում էիր, որ դու պետք է չնշես միայն խնդրի առկայության մասին, որովհետև այլևս ոչ մեկ չէր հերքում խնդրի առկայությունը և պետք է առաջարկես լուծումներ, աջակցես իշխանություններին՝ խնդիրը լուծելու համար»։
Իոաննիսյանը կարծում է, որ այսօր դժվարացել է իշխանությանը քննադատելը, որովհետև հասարակության լայն խավերը չեն հասկանում իշխանությանը քննադատելը, որն ունի մեծ վստահություն։
Նրա գնահատմամբ՝ քաղհասարակությունը Հայաստանի ամենակայացած ինստիտուտներից էր թե՛ հեղափոխությունից առաջ, թե՛ հետո:
«Հեղափոխությունից հետո հակաժողովրդավարական քարոզչության թիրախում հայտնվեց քաղհասարակությունը, որովհետև որոշ շրջանակների համար հասկանալի էր, որ եթե քաղհասարակությունը չզբաղվի ժողովրդավարական ռեֆորմներն առաջ մղելով, ապա որոշակի առումով այդ ռեֆորմները կմնան որբ։ Իշխանությունները ունեն այդ ցանկությունը, բայց իրենք նախկինում չեն զբաղվել դրանով և չի կարելի ասել, որ ամբողջական պատկերացում ունեին, թե ինչպես է պետք երկիրը առաջ տանել»,- նշեց Իոաննիսյանը։
Մանրամասները՝ տեսանյութում:
Ռոբերտ Անանյան
