17.11.2024 | 19:53
Հայաստանի հավաքականը 1:2 հաշվով հաղթեց Լատվիայի թիմին
Նազիկ Ամիրյանի գործը վարույթից կառանձնացվի. դատական նիստը հետաձգվեց. ՏԵՍԱՆՅՈՒԹ
Հասարակություն
26.11.2019 | 15:27
Երևանի ընդհանուր իրավասության դատարանի Կենտրոն և Նորք-Մարաշ վարչական շրջանների նստավայրում ԱԺ նախկին պատգամավոր Մանվել Գրիգորյանի և նրա կնոջ՝ Նազիկ Ամիրյանի գործով դատական նիստի ընթացքում դատավոր Մնացական Մարտիրոսյանը հայտարարեց, որ, դատարանի որոշմամբ, այսուհետ Մանվել Գրիգորյանի և Նազիկ Ամիրյանի գործերն առանձին են քննվելու:
«Դատարանը որոշում է կայացրել՝ Նազիկ Ամիրյանի գործը վարույթից առանձնացնելու մասին»,- ասաց Մարտիրոսյանը:
Մանվել Գրիգորյանի պաշտպանական թիմից Գուրգեն Գրիգորյանն առարկեց դատարանի որոշումը. «Դատարանը երբ ուզում առանձնացնում է, երբ ուզում՝ միացնում: Եթե անաչառ դատաքննություն է գնում, ապա ի՞նչ. հաջորդ դատական նիստին եթե Մանվել Գրիգորյանը մինչև վերջ ներկա գտնվի, գործերը կրկին կմիացվե՞ն»:
Պաշտպանի խոսքով՝ հաջորդ դատական նիստին պատրաստվում են դատավորին՝ ինքնաբացարկ ներկայացնելու միջնորդություն ներկայացնել: Դատավորը հայտարարեց նաև առաջիկա դատական նիստերի օրերը:
Դեկտմբերի 3-ին կկայանա Նազիկ Ամիրյանի, իսկ դեկտեմբերի 14-ին՝ Մանվել Գրիգորյանի գործով դատական նիստը:
Մանրամասները՝ տեսանյութում:
Նելլի Մելքոնյան
