07.09.2026 | 12:46
Ադրբեջանն ու Իրանը քննարկել են համատեղ նախագծերի իրականացման ընթացքը
Դատախազը մեկնաբանում է, թե ինչու է նախկինում ասել, որ հիմքեր չկան Քոչարյանին հարցաքննելու համար. ՏԵՍԱՆՅՈՒԹ
Հասարակություն
26.11.2019 | 15:14
Քոչարյանին հարցաքննելու համար դատախազ Կարեն Բիշարյանը դատարանում անդրադարձավ իրեն ներկայացված բացարկի միջնորդությանը։
Որպես միջնորդության հիմք պաշտպանական կողմը նշել էր Բիշարյանի նախկինում արված այն հայտարարությունը, թե Ռոբերտ Քոչարյանի նկատմամբ քրեական հետապնդում սկսելու հիմքեր չկան։
Պաշտպանական կողմն ասում էր, որ «ամիսներ անց, քաղաքական փոփոխություններից հետո արդեն Բիշարյանը մեղադրանք է պաշտպանում»։
Բիշարյանն ասաց, այն ժամանակ, երբ ԱԺ-ում նման հայտարարություն է արել, քննարկվել է Մարտի 1-ի զոհերի հարցը, ինքը տեսակետ է հայտնել բացառապես այդ պահին ունեցած փաստական տվյալների վրա հիմնվելով։
Նա նշեց, որ տարբեր դիրքորոշումներ ունենալը չի խոսում կողմնակալության մասին: «Իմ խոսքը բառացի մեջ չբերվեց, ես ոչ թե ասել եմ, որ չկա քրեական հետապնդում հարուցելու հիմք, որպես վկա հարցաքննելու անհրաժեշտություն, այլ ասել եմ, որ որևէ անձի հարցաքննելը չի կարող լինել ինքնանպատակ։ Որպես վկա ներգրավելու համար պետք է լինի հիմք։ Ես երբեք չէի ասի՝ չկա հիմքեր հարցաքննելու: Ինձ հայտնված բացարկն անհիմն է և ենթակա է մերժման»,- ասաց դատախազը։
Մանրամասները՝ տեսանյութում։
Լիլիթ Շաբոյան
