12.08.2026 | 22:18
Հայաստանի մի շարք հասցեներում էլեկտրաէներգիայի անջատումներ կլինեն
Եկեք 48 ժամ սպասենք․ ՀՔԾ պետը՝ Գևորգ Կոստանյանի նկատմամբ հետախուզում հայտարարելու մասին. ՏԵՍԱՆՅՈՒԹ
Հասարակություն
26.11.2019 | 13:33
«Մարտի 1-ի գործով եթե մեղադրյալներ են լինում և չեն ներկայանում, նրանց նկատմամբ հայտարարվում է հետախուզում: Արդյո՞ք արդարադատությունը նրանց կարող է հասնել, սա դուք կարո՞ղ եք երաշխավորել, որևէ մեկը կարո՞ղ է նման երաշխիքներ տալ, որ նրանք անպայման կհայտնաբերվեն: Ես կարող եմ ընդամենը ասել, որ դրա համար մենք ամեն ինչ կանենք»,- այս մասին ԱԺ-ում լրագրողների հետ զրույցում ասաց Հատուկ քննչական ծառայության պետ Սասուն Խաչատրյանը՝ անդրադառնալով ԱԺ նախկին պատգամավոր Գևորգ Կոստանյանին Մարտի 1-ի գործով որպես մեղադրյալ ներգրավվելուն և հարցին, թե կա՞ն երաշխքիներ, որ մեղադրյալների նկատմամբ տեղի կունենա արդարադատություն:
Գևորգ Կոստանյանի ճակատագրի մասին հարցին ի պատասխան՝ Սասուն Խաչատրյանը հորդորեց սպասել 48 ժամ:
«Եկեք սպասենք, եթե Գևորգ Կոստանյանը չներկայանա, մենք ավելի մեծ ինֆորմացիա կտրամադրենք»,- շեշտեց նա:
Ըստ ՀՔԾ պետի՝ վարույթ իրականացնող մարմինը չի կարող հետախուզում հայտարարել այս կամ այն մեղադրյալի նկատմամբ, այդ գործառույթը վերապահված է ոստիկանությանը:
Ինչ վերաբերում է Արսեն Բաբայանի գործին, նա տեղեկացրեց, որ այն գտնվում է նախաքննության փուլում:
Մանրամասները՝ տեսանյութում:
Նարեկ Կիրակոսյան
