17.11.2024 | 18:22
Երևանում կկայանա աշխարհահռչակ շանսոնյե Շառլ Ազնավուրին նվիրված «Մսյո Ազնավուր» ֆիլմի պրեմիերան
Մայքլ Բլումբերգը կպայքարի ԱՄՆ նախագահի պաշտոնի համար. Թրամփի խորհրդականը կասկածում է նրա հաղթանակին
Քաղաքականություն
25.11.2019 | 15:11
Մայքլ Բլումբերգը պաշտոնապես հայտարարել է ԱՄՆ նախագահի ընտրություններում Դեմոկրատական կուսակցությունից առաջադրվելու համար պայքարելու մասին: Թրամփի խորհրդականը, սակայն, կասկածում է, որ նա կկարողանա հաղթել Հանրապետական կուսակցության թեկնածու, գործող նախագահ Դոնալդ Թրամփին, գրում է ՏԱՍՍ-ը:
«Դեմոկրատների կողմից նախկինի պես 18 թեկնածու է մասնակցում, 10 կամ 12 թեկնածու արդեն դուրս է մնացել պայքարից: Մենք չգիտենք՝ արդյոք ինչ-որ մեկը կհաղթի՞, թե՞ ոչ»,- CBS-ին տված հարցազրույցում այս մասին ասել է Թրամփի ավագ խորհրդական Քելիեն Քոնուեյը:
Նա անդրադարձել է նաև Բլումբերգի՝ «Վերականգնել Ամերիկան» կարգախոսին:
«Ամերիկան արդեն ընտրել է շինարարին: Մայքլ Բլումբերգը Նյու Յորքի լավ հզոր քաղաքապետ է եղել: Իմ չորս երեխաները ծնվել են Նյու Յորքում, երբ նա քաղաքապետ էր: Ուզում եմ, որպեսզի նա նորից Նյու Յորքի քաղաքապետ լինի»,- Բլումբերգի առաջադրումը մեկնաբանել է Սպիտակ տան աշխատակիցը:
Հիշեցնենք, որ Մայքլ Բլումբերգը, պաշտոնապես հայտարարելով Դեմոկրատական կուսակցությունից 2020թ. նախագահական ընտրություններին առաջադրվելու համար պայքարելու մասին, վստահություն է հայտնել, որ իրեն կհաջողվի հաղթել «բիզնեսում, կառավարման մեջ եզակի փորձը և բարեգործական գործունեությունը»:
