08.12.2025 | 15:50
Անթալիայում 4,9 մագնիտուդով երկրաշարժ է տեղի ունեցել. ՏԵՍԱՆՅՈՒԹ
Դեռևս սպասում եմ մարդասեր ռուսաստանցիների, ավելի լավ կլինի՝ ռուսների մտահոգության արտահայտության որևէ դրսևորման. Հրանուշ Խառատյան
Քաղաքականություն
25.11.2019 | 13:37
Ազգագրագետ Հրանուշ Խառատյանը ֆեյսբուքյան իր էջում անդրադարձել է ՌԴ նախագահ Վլադիմիր Պուտինի՝ Արդրբեջանի փոխնախագահ Մեհրիբան Ալիևային «ժողովուրդների բարեկամության» մեդալ շնորհելու մասին:
«Երկու օր առաջ ՌԴ նախագահ Վլադիմիր Պուտինը «ժողովուրդների բարեկամության» մեդալ փակցրեց Արդրբեջանի փոխնախագահ Մեհրիբան Ալիևայի բաճկոնին: Եթե մեդալը լիներ «ռուս-ադրբեջանական» բարեկամության, գուցե հասկանալի և տրամաբանական լիներ: Այս երկու ժողովուրդների ընդերքային բարեկամությունը շատ բացատրելի է: Բայց «ժողովուրդների բարեկամության» մեդալ այն դեպքում, երբ այս տիկինը, եթե հերոսի կոչման չի առաջադրել հայատյաց մարդասպան Ռամիլ Սաֆարովին, ապա առնվազն նախապատրաստել, ծափահարել է և շարունակում է խրախուսել այդ հերոսացումը, շատ մեղմ ասած, Ռուսաստանի ԱԳՆ-ին դնում է որոշ հարցերի պատասխանելու անհրաժեշտության առաջ: Հուսով եմ՝ նրանց դեսպաններին տարբեր երկրներում այդ կապակցությամբ հարցեր կտան: Ամեն ինչից զատ ՄԱԿ-ում դեռ հիշում են այս տիկնոջ ջերմ բարեկամությունը ՅՈՒՆԵՍԿՕ-ի ոչ վաղ անցյալի սկանդալային տնօրենի հետ: Դեռևս սպասում եմ մարդասեր ռուսաստանցիների, ավելի լավ կլինի՝ ռուսների մտահոգության արտահայտության որևէ դրսևորման: Գուցե սպասում են «անձի պաշտամունքի» մերկացման հերթական փուլին և անվտանգ հեռավորությունի՞ց կմտահոգվեն: Բայց ներկա պահին լռելով՝ նրանք մասնակցում են Ռուսաստանում էթնոֆոբիան «ժողովուրդների բարեկամություն» որակավորելու երևույթի վտանգավոր զարգացումներին»:
