04.04.2025 | 09:47
Հայաստանում խոշոր և մանր եղջերավոր անասունների գլխաքանակը զգալի պակասել է
Անհայտ նկուղների փոխարեն նրանց պետք է փնտրել հայտնի պալատներում. «Սասնա Ծռերը» Փաշինյանին Սերժ Սարգսյանի նոր առանձնատան հասցեն են հուշում
Քաղաքականություն
21.11.2019 | 12:29
«Սասնա Ծռեր» համահայկական կուսակցության քարտուղարությունը հաղորդագրություն է տարածել, որում ասվում է.
«Մենք տեղեկություն ունենք, որ Սերժ Սարգսյանի համար նրա փեսա Միքայել Մինասյանը ուրիշի անունով շքեղ առանձնատուն է գնել Իտալիայի մայրաքաղաք Հռոմի՝ մեծահարուստների մի թաղամասում։
20 միլիոն ԱՄՆ դոլար արժեք ունեցող այդ առանձնատան հասցեն է՝ Սեյնթ Անսելմո փողոց, համար 10 (Via di Sant’Anselmo, 10):
ՀՀ իշխանություններին հորդորում ենք ստուգել սույն տեղեկությունը և, հաշվի առնելով, որ թալանչիներն ու կեղեքիչները նյութապաշտ են ու շքեղամոլ, անհայտ նկուղների փոխարեն նրանց փնտրել հայտնի պալատներում»:
Հիշեցնենք, որ երեկ ՀՀ վարչապետ Նիկոլ Փաշինյանը Միլանի Հայ Առաքելական Սուրբ Քառասուն Մանկունք եկեղեցում հայ համայնքի ներկայացուցիչների հարցերին պատասխանելիս ասել էր, որ Իտալիայում այսօր թաքնված են Հայաստանի ամենահայտնի կոռուպցիոներներ:
«Չգիտեմ՝ Վատիկանի որ պադվալներում են պախկված, բայց բռնելու ենք տանենք դատարան»,- ասել էր ՀՀ վարչապետը:
Ի դեպ, Վատիկանում ՀՀ նախկին դեսպան Միքայել Մինասյանը ևս ֆեյսբուքյան գրառմամբ պատասխանել է ՀՀ վարչապետին, ասելով՝ «Վատիկանի նկուղներից մեկում հանգչում է Պետրոս առաքյալի աճյունը։ Սուրբ Պետրոսի գերեզմանն ուխտավայր է, որտեղ հավատավորները՝ Աստվածային հրաշագործության խոնարհ սպասումով աղոթքի են գնում։ Այնտեղ գնալուց առաջ խորհուրդ են տալիս ինքնամաքրվել ու ապաշխարել: Այնտեղ չեն մտնում «պադվալի» աշխարհընկալմամբ»:
