12.08.2026 | 22:18
Հայաստանի մի շարք հասցեներում էլեկտրաէներգիայի անջատումներ կլինեն
Չգիտեմ՝ Վատիկանի որ պադվալներում են պախկված, բայց բռնելու ենք տանենք դատարան․ Նիկոլ Փաշինյան. ՏԵՍԱՆՅՈՒԹ
Քաղաքականություն
20.11.2019 | 21:12
Պաշտոնական այցով Իտալիայում գտնվող ՀՀ վարչապետ Նիկոլ Փաշինյանը Միլանի Հայ Առաքելական Սուրբ Քառասուն Մանկունք եկեղեցում պատասխանել է հայ համայնքի ներկայացուցիչների հարցերին:
Եկեղեցում տեղի ունեցող հանդիպմանը վարչապետը ներկայացրել է իր կառավարության վարած քաղաքականությունը:
«Եթե Հայաստանում եղել են իշխանություններ, որոնց նկատմամբ ժողովրդի ունեցած միակ զգացումը ատելությունն էր, դրանում իմ մեղքը ո՞րն է»,- ասել է վարչապետը ի պատասխան հանդիպման մասնակիցներից մեկի դիտարկմանը, թե Հայաստանում տիրում է ատելության մթնոլորտ, նոր իշխանությունը երկիրը տանում է կործանման, ուստի պիտի հրաժարական տա։
«Մենք ո՞ւմ ենք կոչ արել, որ ատեն: Ընդհակառակը մեր հեղափոխությունը եղել է սիրո ու հանդուրժողականության հեղափոխություն: Ասում են, որ Արցախի հարցում մենք չունենք ռազմավարություն: Իսկ ո՞րն էր Սերժ Սարգսյանի և Ռոբերտ Քոչարյանի ռազմավարությունը, Մեղրին տա՞լն էր ռազմավարությունը, թե՞ էն էր , որ ինչպես իրենք էին բանակցում, Ադրբեջանի 7 շրջանները վերադարձնեին խաղաղության դիմաց: Ո՞րն էր ռազմավարությունը Սերժ Սարգսյանի, որ Աղդամը մեր հայրենիքը չէ՞: Եվ հիմա նրանք մեզ մեղադրում են, թե մենք հող ենք վերադարձնում: Իսկ եթե պետական ինստիտուտ ասելով նկատի ունեք կոռուպցիան, այո՛, էդ ինստիտուտը քանդված և ջախջախված է: Եթե դուք ատելություն ասելով նկատի ունեք մեր այն պնդումը, թե գողացված մինչև վերջին կոպեկը վերադարձվելու է , այո՛, վերադարձվելու է: Իմիջիայլոց, Իտալիայում այսօր թաքնված են որոշ ամենահայտնի կոռուպցիոներներ: Հայաստանի արդարադատության ձեռքը հասնելու է նրանց, չգիտեմ վատիկանների որ պադվալներում են պախկված, բայց վզներից բռնելու ենք՝ հանենք, տանենք, կանգնեցնենք դատարանները և գողացված վերջին կոպեկը պետք է վերադարձնեն ժողովրդին»,-ասել է վարչապետը։
Մանրամասները՝ տեսանյութում:
