Հասարակություն
20.11.2019 | 23:02
Հելսինկյան քաղաքացիական ասամբլեայի Վանաձորի գրասենյակը ներկայացնում է ոչ նյութական վնասի փոխհատուցման դեպքերով արձանագրված խնդիրները՝ Կազմակերպության վարած գործերի օրինակներով։
ՀՀ-ում ոչ նյութական վնասի հատուցման ինստիտուտի բացակայության պատճառով տարիներ շարունակ անձը զրկված է եղել իրավունքների և ազատությունների խախտման դեպքերում ոչ նյութական վնասի հատուցում ստանալու իրավունքից։
ՀՔԱ Վանաձորի գրասենյակը որպես ռազմավարական նշանակություն ունեցող խնդիր Կազմակերպություն դիմաց քաղաքացիների մարդու իրավունքների և ազատությունների խախտումների դեպքերով ոչ նյութական վնասի հատուցման պահանջով Հայաստանի Հանրապետության դեմ հայցեր է ներկայացնում դատարաններ` նպատակ ունենալով նպաստել նշված նորմերի կիրառման ձևավորմանը։
Ուսումնասիրությունը ներկայացնում է արձանագրված հետևյալ խնդիրները՝ դրանք քննարկելով Մարդու իրավունքների եվրոպական կոնվենցիայի համատեքստում, ինչպես նաև վեր հանելով ՀՀ օրենսդրության տարբեր դրույթների հակասությունները՝ այս խնդիրների առնչությամբ։
