08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Եղեգնաձորի քաղաքապետարանում ՊՎԾ ուսումնասիրությունները դեռ շարունակվում են․ քաղաքապետ Դավիթ Հարությունյան
Տնտեսություն
20.11.2019 | 16:14
ՊՎԾ ուսումնասիրությունները հենց այս պահին էլ շարունակվում են։ Factor.am-ի հետ զրույցում ասաց Եղեգնաձորի քաղաքապետ Դավիթ Հարությունյանը՝ անդրադառնալով մեր այն հարցին, թե վարչապետի հանձնարարությամբ քաղաքապետարանում սկսված ՊՎԾ ուսումնասիրություններն ավարտվե՞լ են, թե՝ ոչ։
Եղեգնաձորի քաղաքապետից հետաքրքրվեցինք նաև սուբսիդավորմամբ իրականացվող լուսավորության և շինարարական աշխատանքներից։ Նշված աշխատանքների որակից վարչապետ Նիկոլ Փաշինյանը դժգոհել էր։ Մեր այն հարցին, թե անցել է ավելի քան մեկ շաբաթ, արդյոք կատարվել են որոշակի փոփոխություններ, Հարությունյանը պատասխանեց, որ ինքն ասֆալտի որակի հետ կապված պատասխանատու չէ։
«Ես ասֆալտի որակի հետ կապված պատասխանատու չեմ, հայտարարվել է մրցույթ, և հիմա հաղթող ընկերությունն իրականացնում է և՛ բակային տարածքի, և՛ տվյալ փողոցի բարեկարգումը»,- տեղեկացրեց Դավիթ Հարությունյանը։
Վերջինս նկատեց, որ աշխատանքների ընդունման վերջնաժամկետ է սահմանված նոյեմբերի 30-ը, բայց քանի որ, ինչպես և վարչապետը նկատեց, կան թերություններ, միանշանակ, նման որակի աշխատանքները չեն ընդունի։
«Ասֆալտապատման աշխատանքներն սկսվել էին 1․5 ամիս առաջ։ Բակի բարեկարգումը ևս տվյալ ընկերությունն է իրականացնում, բայց դեռ այս տարի սուբսիդավորմամբ իրականացվող ոչ մի աշխատանք չի ընդունվել։ Լուսավորության աշխատանքները ևս պետք է ավարտվեն ամսվա վերջ, բայց թերությունների դեպքում ոչ մի աշխատանք չի ընդունվի»,- իր խոսքը եզրափակեց Դավիթ Հարությունյանը։
Հիշեցնենք, որ օրերս վարչապետ Նիկոլ Փաշինյանն այցելել էր Վայոց ձորի մարզ, շրջայց էր կատարել Եղեգնաձորում՝ ծանոթանալով ընթացող սուբվենցիոն ծրագրերին։ Վարչապետը գոհ չէր մնացել կատարված աշխատանքներից և նշել էր, որ փողոցի վերանորոգման աշխատանքը «գլխառադ» է արված:
Արմինե Ալոյան
