05.06.2026 | 11:05
Ընտրակաշառք, հարկադրում, խոչընդոտում․ ընտրական հանցագործությունների գործերով մեղադրյալների թիվը հասել է 40-ի
Տիգրան Եգորյանը կզբաղվի Սմբատ Բարսեղյանի պաշտպանությամբ
Հասարակություն
20.11.2019 | 11:44
«Սասնա ծռեր» խմբի անդամ, գործով երկու ոստիկանի սպանության համար մեղադրվող Սմբատ Բարսեղյանի պաշտպանությամբ այսուհետ կզբաղվի փաստաբան Տիգրան Եգորյանը։
Նա այս քրգործով զբաղվում է նաև Վարուժան Ավետիսյանի, Գագիկ Եղիազարյանի, Էդուարդ Գրիգորյանի և Արեգ Կյուրեղյանի պաշտպանությամբ։
Սմբատ Բարսեղյանին, հիշեցնենք, մեղադրանք է առաջադրվել ՀՀ քրեական օրենսգրքի 218-րդ հոդվածի 3-րդ մասի 1-ին կետով, (պատանդ վերցնելը, որը կատարվել է կազմակերպված խմբի կողմից), 235-րդ հոդվածի 3-րդ մասով, (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը), 238-րդ հոդվածի 4-րդ մասի 1-ին ու 2-րդ կետերով (զենք, ռազմամթերք, պայթուցիկ նյութեր կամ պայթուցիկ սարքեր հափշտակելը կամ շորթելը, որոնք կատարվել են կազմակերպված խմբի կողմից և կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով) և 104-րդ հոդվածի 2-րդ մասի 1-ին, 2-րդ, 3-րդ եւ 11-րդ կետերով (սպանություն):
Լիլիթ Շաբոյան
