17.11.2024 | 19:53
Հայաստանի հավաքականը 1:2 հաշվով հաղթեց Լատվիայի թիմին
«Հնարավոր է՝ սադրանք է եղել նաև հոգևորականների կողմից, որոնք դժգոհ են Ռոհանիի կառավարումից»․ իրանագետ. ՏԵՍԱՆՅՈՒԹ
Քաղաքականություն
19.11.2019 | 18:09
Պատճառը բենզինի գնի թանկացումն է։ Տեղի է ունեցել նախկին գնի մոտավորապես 50 տոկոսի չափով թանկացում՝ քվոտավորված հատվածի համար, և կրկնակի՝ ոչ քվոտավորված հատվածի համար։ Այսինքն՝ 10 հազար ռիալի քվոտայի փոխարեն սահմանվում է 15 հազար ռիալ, իսկ ոչ քվատովորված հատվածի համար՝ 15 հազար ռիալի փոխարեն՝ 30 հազար ռիալ։ Այս մասին այսօր` «Իրավիճակն Իրանում սրվում է. ապակայունացման տնտեսական ու աշխարհաքաղաքական հետևանքները» թեմայով հրավիրված քննարկման ընթացքում նշեց իրանագետ Արտյոմ Տոնոյանը:
«Ցույցերը սկսել են նախորդ ուրբաթ՝ աղոթքից հետո։ Շատ հաճախ ուրբաթօրյա աղոթքների ժամանակ կարելի է լսել նաև քաղաքական տեքստեր՝ հենց հոգևորականների կողմից, որոնք բավականին ազատ են երկրի քաղաքական իշխանության քննադատությունների մեջ։ Մեզ հասնող տեղեկատվությունը խիստ սակավ է, բայց կարելի է ակնկալել, որ այս հատվածում եղել է որոշակի հրահրում կամ սադրում հենց հոգևորականների կողմից, որոնք դժգոհ են նախագահ Հասան Ռոհանիի կառավարումից»,- ասաց նա:
Ըստ նրա՝ ցույցերին մասնակցող 100 քաղաքի թիվը խիստ ուռճացված է։ «Ցույցեր կան Թեհրանում, արևելյան հատվածի խոշոր քաղաքներից Մաշհադում, Կենտրոնական Իրանում՝ Քեհմանում, Հայաստանին հարակից տարածքներից երեք քաղաքներից ցույցերն կան Թավրիզում, Արդաբիլ նահանգի կենտրոնական քաղաքում՝ Արդաբիլում և արևմտյան Ատրպատականի կենտրոնական քաղաքում՝ Ուրմիայում»։
Իրանագետի տեղեկացմամբ՝ համացանցում հասանելի տեսահոլովակների հիման վրա կարելի է ասել, որ 2017-ի դեկտեմբերի և 2018-ի հունվարի ցույցերի համեմատ, ցուցարարների թիվը սակավ է։ «2017-ի դեկտեմբերի և 2018-ի հունվարի ցույցերն ավելի մարդաշատ էին, սակայն քարոզչությունը թույլ էր, իսկ այժմ հակառակն է․ մասնակիցները սակավաթիվ են, բայց քարոզչությունը, հատկապես՝ հակաքարոզչությունը, ավելի ուժեղ է»։
Մանրամասները՝ տեսանյութում։
Նելլի Մելքոնյան
