07.09.2026 | 17:13
Պեսկովը հայտնել է, որ Պուտինի և Փաշինյանի հանդիպման արդյունքներով ՌԴ-ն ու Հայաստանը կուսումնասիրեն առևտրային հարցերը
Դատախազները մեղադրանքը պաշտպանում են ոչ պատշաճ մեթոդներով․ Հայկ Ալումյան. ՏԵՍԱՆՅՈՒԹ
Հասարակություն
19.11.2019 | 13:42
Մարտի 1-ի գործով ամբաստանյալ Ռոբերտ Քոչարյանի և մյուսների գործով դատական նիստին այսօր սահմանադրական կարգը տապալելու համար մեղադրվող Սեյրան Օհանյանի պաշտպան Կարեն Մեժլումյանն իր հերթին դատախազ Պետրոս Պետրոսյանին բացարկի միջնորդություն ներկայացրեց։
Հիշեցնենք, որ նախորդ նիստին նման միջնորդությամբ էր հանդես եկել Քոչարյանի փաստաբաններից Հովհաննես Խուդոյանը։
Ռոբերտ Քոչարյանի պաշտպան Հայկ Ալումյանն ասաց, որ միանում է Կարեն Մեժլումյանի միջնորդությանը՝ դատախազները մեղադրանքը չպետք է պաշտպանեն ցանկացած գնով:
«Դա չի նշանակում, որ իրենք մեղադրանքը պետք է պաշտպանեն, երբ համոզված չեն դրանում։ Դատախազներն իմանալով, որ կան արդարացնող փաստեր, դրանք պետք է թաքցնեն։ Դատախազները մեղադրանքը պաշտպանում են ոչ պատշաճ մեթոդներով»,- ասաց Ալումյանը։
Պաշտպանն ասաց՝ դատախազը եթե փորձում է իրականությունը խեղաթյուրել ի վնաս ամբաստանյալի, ապա պետք է մեկուսացվի գործի վարույթից․ «Մեղադրանքը ձևակերպված է այնպես, որ պաշտպանական կողմը հնարավորինս չկարողանա հասկանալ, թե ինչ քրեաիրավական գնահատականներ են և որտեղից են դրանք ծագել»։
Մանրամասները՝ տեսանյութում։
Լիլիթ Շաբոյան
