15.07.2026 | 23:23
Ջրափրկարարները քաղաքացիներին անվնաս մոտեցրել են ափ․ նրանց կյանքին վտանգ չի սպառնում
Սա համարում եմ ֆինանսների նախարարի լիազորությունների չարաշահում. Մանե Թանդիլյան. ՏԵՍԱՆՅՈՒԹ
Տնտեսություն
15.11.2019 | 17:13
«Լուսավոր Հայաստան խմբակցության պատգամավոր, Ֆինանսավարկային ու բյուջետային հարցերի մշտական հանձնաժողովի նախագահ Մանե Թանդիլյանը 2020թ․-ի բյուջեի նախագծի քննարկման ժամանակ ֆինանսների նախարար Ատոմ Ջանջուղազյանին մեղադրեց Բյուջետային համակարգի մասին օրենքը խախտելու մեջ։
«Պարոն Ջանջուղազյան, Դուք, իհարկե, կարող եք այստեղից բացատրել, թե ինչու է դա տեղի ունեցել, և Դուք խախտել եք ոչ թե օրենքն, այլ կառավարության որոշումը, բայց կառավարության որոշումն ինքնանպատակ չեք ընդունել, այդ որոշումը պարտադիր նորմ է բյուջետային համակարգի համար։ Կառավարության որոշումն ընդունել եք ոչ թե նրա համար, որ բարի եք, այլ մակրոտնտեսական կարևորագույն պայման ու նորմ է, որ չի վտանգվի մեր տնտեսական զարգացումը։ Այս պատճառով եք հաշվարկել, որ յոթ տարի, միջին ՀՆԱ-ի համեմատությամբ, ձեր հաշվարկները ներկայացնեք, որն, ըստ էության, հետագայում խախտել եք, սա օրենքի խախտում է»,- ասաց Թանդիլյանը։
Պատգամավորը շեշտեց՝ կառավարության որոշումը բխել է օրենքի պահանջից, հետևաբար, որոշումը չի խախտվում, այլ խախտվում է հենց օրենքը:
«Համարում եմ սա ֆինանսների նախարարի լիազորությունների չարաշահում»,- ասաց Մանե Թանդիլյանը։
Մանրամասները՝ տեսանյութում:
