04.08.2026 | 10:31
Ավարտվել է քրեական հեղինակության և ենթամշակույթ կրող խմբավորմանը մասնակցելու գործի նախաքննությունը․ ՔԿ
Պարոն Ջանջուղազյան, ինձ համար անհասկանալի է արդարացումը, թե ինչու է օրենք խախտվել. Մանե Թանդիլյան. ՏԵՍԱՆՅՈՒԹ
Քաղաքականություն
15.11.2019 | 11:52
ԱԺ-ում 2020 թվականի բյուջեի նախագծի քննարկումների ժամանակ «Լուսավոր Հայաստան» խմբակցության պատգամավոր Մանե Թանդիլյանը, դիմելով ֆինանսների նախարար Ատոմ Ջանջուղազյանին, ասաց, որ չի կարող չխոսել Բյուջետային համակարգի օրենքի խախտումների մասին:
«Տարբեր ձևաչափերով եմ խոսել, պարոն Ջանջուղազյան, 18-րդ հոդվածը եզակի երաշխիք էր ապահովում, որ բնապահպանական ծրագրերն իրականացնեն այն մակարդակով, որ Հայաստանը, որն իմ գնահատմամբ՝ բնապահպանական աղետի մեջ է, և կախվածությունը հանքարդյունաբերությունից վատագույն երկրների շարքում 14-րդն է՝ զիջելով աֆրիկյան և ասիական որոշ երկրների, որևէ ծրագիր չունեք այդպիսի, որը կապահովեր Բյուջետային համակարգի մասին օրենքի դրույթը»,- ասաց Թանդիլյանը:
Ապա, կրկին դիմելով ֆինանսների նախարարին, նշեց. «Պարոն Ջանջուղազյան, ինձ համար անհասկանալի է արդարացումն ու բացատրելը, թե ինչու է օրենքը խախտվել, եթե այս դահլիճում ենք մենք բացատրում օրենքի խախտումն ու արդարացնում, կներեք, ի՞նչ ենք ակնկալում մեր քաղաքացիներից. օրենք խախտեն ու գան բացատրեն՝ ինչո՞ւ են խախտել»:
Մանրամասները՝ տեսանյութում:
