08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Երեխաների օրգանների վաճառքի մասին տեղեկություն չկա. Արմեն Գրիգորյան. ՏԵՍԱՆՅՈՒԹ
Հասարակություն
14.11.2019 | 13:34
Հանձնարարական է եղել, քանի որ մտավախություններ կան, և դրա մասին բարձրացվում է հարց, հարկավոր է ուսումնասիրել և կոնկրետ պատասխան տալ։ Այս մասին կառավարության նիստից հետո լրագրողների հետ ճեպազրույցում հայտարարեց Անվտանգության խորհրդի քարտուղար Արմեն Գրիգորյանը՝ անդրադառնալով վարչապետ Նիկոլ Փաշինյանի՝ ԱԱԾ-ին տված հանձնարարականին, որի համաձայն՝ վերջինս պետք է պարզի որոշ շրջանակների ու սատանայի համագործակցության ձևերն ու ուղիները:
Factor.am-ի հարցին ի պատասխան Գրիգորյանը հավելեց․ «Կան քաղաքական ուժեր և անհատներ, որ դրանով մտահոգված են, և անհրաժեշտություն կա այդ մտահոգությունները փարատել»։
Նշենք, որ այսօր կառավարության նիստում վարչապետը հայտարարեց, որ ԱԱԾ-ին հանձնարական է տվել՝ պարզել որոշ շրջանակների ու սատանայի համագործակցության ձևերն ու ուղիները: Անդրադառնալով ԱԱԾ-ի այսօրվա բացահայտմանը Գրիգորյանն ասաց, որ հավելյալ տեղեկություն փոխանցել չի կարող և նշեց, որ այս պահին երեխաների օրգանների վաճառքի մասին տեղեկություն չկա։
Մանրամասները՝ տեսանյութում։
Լիլիթ Շաբոյան
