08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Վենետիկում արտակարգ դրություն է հայտարարվել ռեկորդային հեղեղումների պատճառով
Քաղաքականություն
13.11.2019 | 15:31
Վենետիկում վերջին հիսուն տարվա համար ռեկորդային հեղեղումներ են գրանցվել: Այստեղ արտակարգ դրության ռեժիմ են հայտարարել: Այս մասին հաղորդում է Vesti.ru-ն:
Քաղաքային իշխանություններն արդեն օգնություն են խնդրել երկրի կառավարությունից:
Ջրի բարձրությունը հասել է 187 սանտիմետրի: Նման ցուցանիշ չի եղել 1960-ական թվականներից ի վեր: Քաղաքի երեք քառորդը հեղեղվել է, մարդկանց խորհուրդ է տրվել փողոց դուրս չգալ:
Փորձագետների գնահատմամբ՝ պատմական շինություններին հասցվելիք վնասն անխուսափելի է: Մասնավորապես, տուժել է Սուրբ Մարկոսի տաճարը: Տաճարին հարակից հրապարակն ամբողջությամբ հեղեղվել է:
Քաղաքապետ Լուիջի Բրունյարոն Twitter-ում գրառմամբ իրադրությունը «դրամատիկ» է կոչել՝ նշելով, որ ջրհեղեղն անդառնալի հետք կթողնի Վենետիկի կերպարի վրա:
Ըստ տեղեկությունների՝ հեղեղումների հետևանքով 2 մարդ է զոհվել: Վաղը «բարձր ջրի» նոր ալիք է սպասվում՝ մինչև 145 սմ բարձրությամբ:
Հավելենք, որ Իտալիայում անձրևներ և քամիներ են գրանցվել նաև Հռոմում, Նեապոլում ու Սիցիլիա կղզում:
