08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ըստ ընդդիմադիր կուսակցապետի՝ Թուրքիան նման է ԱՄՆ-ի և Ռուսաստանի միջև «սեղանի թենիսի գնդակի»
Քաղաքականություն
11.11.2019 | 22:11
Թուրքիայում գլխավոր ընդդիմադիր ուժ համարվող քեմալական «Ժողովրդահանրապետական» կուսակցության (CHP-ԺՀԿ) նախագահ Քեմալ Քըլըչդարօղլուն, անդրադառնալով նոյեմբերի 13-ին Էրդողանի ամերիկյան այցին, հայտնել է, որ այն որևէ արդյունք չի տալու. գրում է ermenihaber.-ը:
Ընդդիմադիր կուսակցապետը հիշեցրել է ԱՄՆ նախագահ Դոնալդ Թրամփի` Թուրքիայի կողմից Սիրիայի հյուսիս-արևելքում իրականացվող «խաղաղության ակունք» ռազմագործողության վերաբերյալ Էրդողանին ուղարկված նամակը:
«Ասում են, թե այդ նամակը դնելու է գրպանը, որ տանի: Նամակում թեև անձնավորվում էր Էրդողանը, բայց ըստ էության նսեմացվում էր ողջ ազգը: Ու ոչ ոք ձայն չի հանում»,-ասել է Քըլըդարօղլուն:
Միջանկյալ նշենք, որ այդ նամակում Թրամփն Էրդողանին ասել էր. «Մի՛ համառեք: Հիմար մի՛ եղեք»:
Քըլըչդարօղլուն մտահոգություն է հայտնել Սիրիայում տեղի ունեցող զարգացումների շուրջ:
Ըստ ընդդիմադիր կուսակցապետի՝ Թուրքիան նման է ԱՄՆ-ի և Ռուսաստանի միջև «սեղանի թենիսի գնդակի»:
