05.11.2024 | 10:47
Արփի Դավոյանի հաղորդումը մերժվեց. Նապոլեոն Օհանյանը կարգապահական պատասխանատվության չենթարկվեց․ ՏԵՍԱՆՅՈՒԹ
Հայաստանի անտառների պահպանությանն ուղղված մեր քաղաքականությունն արդյունավետ է. ՀՀ վարչապետ
Տնտեսություն
08.11.2019 | 20:19
ՀՀ վարչապետ Նիկոլ Փաշինյանը ֆեյսբուայն գրառմամբ ներկայացրել է, թե որքան շինափայտ և փայտածուխ է ներկրվել հանրապետություն վերջին ամիսներին:
«2019 թվականին 2017-ի համեմատ փայտածուխի ներկրումը Հայաստան աճել է 6.2 անգամ, կամ ավելի քան 500 տոկոսով: Ներմուծող ընկերությունների թիվը աճել է 22.6 տոկոսով (2017-ին 53 ընկերություն, 2018-ին 65 ընկերություն):
Ինչ վերաբերվում է շինափայտին, 2019 թվականի տասը ամիսների կտրվածքով ներմուծվել է նույնքան շինափայտ, ինչ ողջ 2018 թվականի ընթացքում:
Իսկ 2017-ի ամբողջ տարվա համեմատ այս տարվա տասը ամիսներին ավել է ներկրվել 77 տոկոսով ավելի շինափայտ, իսկ ներմուծող ընկերությունների թիվը ավելացել է 51.4 տոկոսով կամ 70 ընկերությունով՝ 206 ընկերություն նախկին 136-ի փոխարեն:
Այս թվերը նշանակում են, որ Հայաստանի անտառների պահպանությանն ուղղված մեր քաղաքականությունը արդյունավետ է: Այդ թվում՝ կարողացել ենք հաղթահարել վերը նշված շուկաներում մենաշնորհային դրսեւորումները»,- գրել է ՀՀ վարչապետը:
