05.11.2024 | 10:47
Արփի Դավոյանի հաղորդումը մերժվեց. Նապոլեոն Օհանյանը կարգապահական պատասխանատվության չենթարկվեց․ ՏԵՍԱՆՅՈՒԹ
Կապանի օդանավակայանը կաշխատի 2020 թվականի գարնանից. մանրամասներ. ՏԵՍԱՆՅՈՒԹ
Տնտեսություն
08.11.2019 | 20:12
2020 թվականի գարնանից սկսած՝ սյունեցիները կկարողանան Երևան հասնել ինքնաթիռով։ Կապանի օդանավակայանի 2 կիլոմետրանոց թռիչքուղին արդեն պատրաստ է շահագործման։ Օդանավակայանի շենքում դեռ շինարարություն է ընթանում։
Չեխական ինքնաթիռը, որը թռիչքներ է իրականացնելու, ունի 19 նստատեղ։ Եթե լինի պահանջարկ, օրվա մեջ ինքնաթիռը կարող է 4 անգամ չվերթ իրականացնել դեպի Երևանի «Զվարթնոց» օդանավակայան։ Հարևան երկրներ թռիչքներ Կապանից չեն կարող լինել, որովհետև միջազգային ավիաթռիչքների մենաշնորհ ունի միայն «Զվարթնոց» օդանավակայանը:
«Բայց մենք օդանավակայանը նախագծել ու կառուցում ենք այն հույսով, որ մեկ օր այդ արգելքը կվերանա, և Կապանը նույնպես միջազգային օդանավակայան կունենա»,- ասաց «Զանգեզուրի պղնձամոլիբդենային կոմբինատի» գլխավոր տնօրենի առաջին տեղակալ Նարեկ Ամբարյանը։
Օդանավակայանը կառուցվում է բացառապես այս կազմակերպության միջոցներով: Ընդհանուր նախահաշվային արժեքը 2.3 միլիարդ դրամ է, որից մոտ 2 միլիարդ դրամն արդեն իրացվել է։ Ինքնաթիռը չեխական է՝ շուրջ 5.5 միլիոն դոլար արժողությամբ։
«Սյունիք» օդանավակայանը, ինչպես նշում են կոմբինատի ղեկավարները, հիմնականում շահույթ չհետապնդող ձեռնարկ է:
Մանրամասները՝ տեսանյութում:
