12.11.2024 | 23:27
Գրետա Թունբերգը ժամանել է Հայաստան
Դաղստանում կասեցրել են ԻՊ-ին ֆինանսավորողների գործունեությունը
Քաղաքականություն
08.11.2019 | 17:25
Դաղստանում բացահայտել են «Իսլամական պետություն» ահաբեկչական խմբավորմանը «ֆինանսավորողների»: ՌԻԱ Նովոստիի փոխանցմամբ՝ այս մասին հայտնել են ԱԴԾ-ից:
«Էմիսարների հանձնարարությամբ՝ քողարկված բջջի անդամները միջազգային ահաբեկչական կազմակերպության գործունեության ֆինանսական ապահովում են կազմակերպել, ինչի համար առնվազն 10 մլն ռուբլի է հավաքվել»,- նշվում է հաղորդագրությունում:
Ձերբակալվել է երկու կին՝ 24 և 33 տարեկան: Երկրի Քննչական կոմիտեի տվյալներով՝ անցյալ տարի նրանք համացանցի միջոցով ծանոթացել են զինյալի հետ, որը 2015 թվականին Սիրիա է գնացել՝ ահաբեկիչների շարքերում պատերազմելու համար և մինչև հիմա միջազգային հետախուզման մեջ է:
Աղբյուրի փոխանցմամբ՝ «ծայրահեղական գաղափարներ ունենալով և կիսելով զինյալի հայացքները»՝ կանայք համաձայնել են օգնել ԻՊ-ի համար դրամահավաք կազմակերպել և դրամային փոխանցման համակարգերի և բանկային քարտերի միջոցով գումարներ են փոխանցել:
Խուզարկության ընթացքում նրանց մոտ «հաղորդակցության միջոցներ» և կտրոններ են հայտնաբերել: Կասկածյալներն արդեն ցուցմունք են տվել:
Քրեական գործ է հարուցվել՝ «Ահաբեկչական գործունեությանն աջակցելու» հոդվածով:
