08.06.2026 | 22:44
Իրանի ԱԳ նախարարը հայերեն գրառմամբ է շնորհավորել Փաշինյանին
Բարձրաստիճան պաշտոնյաներ կան, որոնց հնարավոր է 2-րդ անգամ հրավիրենք քննիչ հանձնաժողով․ Անդրանիկ Քոչարյան. ՏԵՍԱՆՅՈՒԹ
Քաղաքականություն
08.11.2019 | 16:25
Ապրիլյան պատերազմի հանգամանքներն ուսումնասիրող հանձնաժողովն այսօր հրավիրել էր մի մարդու, ով ինքն է ցանկություն հայտնել գալ հանձնաժողով․ նա բժիշկ է։ Այս մասին այսօր ԱԺ-ում լրագրողների հետ զրույցում ասաց ԱԺ Պաշտպանության և անվտանգության հանձնաժողովի նախագահ Անդրանիկ Քոչարյանը։
«Մենք ստացել ենք էլի շատ կարևոր տեղեկատվություն Պաշտպանության նախարարության կողմից՝ մեր կողմից ուղարկված և պահանջված։ Եվ նախարարի կողմից մեզ արդեն ուղարկվել են լրացուցիչ նյութեր, որը մեզ հնարավորություն է տալիս ուսումնասիրության ծավալները մեծացնել։ Դա վերջին շրջանի աշխատանքներից, ձեռքբերումներից մեկը կարող եմ համարել»,- նշեց Անդրանիկ Քոչարյանը։
Նա տեղեկացրեց, որ մյուս շաբաթ երկու պաշտոնյայի են հրավիրելու, իսկ թե ովքեր են նրանք, Քոչարյանը չցանկացավ անուններ տալ։
Հարցին, թե նախորդ նիստերին հրավիրյալներին նորից լսելու անհրաժեշտություն կա՞, ԱԺ Պաշտպանության և անվտանգության հանձնաժողովի նախագահը դրական պատասխան տվեց։
«Եղել է, որ մենք հրավիրել ենք մարդկանց, հետո ուսումնասիրել ենք փաստաթղթեր, որտեղ հարցեր են առաջացել, և ինչ-որ պահի նաև հնարավոր է այդ մարդկանց ևս մեկ անգամ լսենք»,- ասաց Անդրանիկ Քոչարյանը։
Մանրամասները՝ տեսանյութում։
