Հասարակություն
07.11.2019 | 14:18«Ես միջնորդության մեջ գրել էի՝ մի մեղադրեք մեզ, թե մենք փորձում ենք խոչընդոտել և ձգձգել դատական քննությունը, հակառակը՝ մենք այսօր հակված ենք մտնել դատական վիճաբանությունների փուլ և արտասանել պաշտպանական ճառ և քարը քարին չթողնել այս մեղադրանքի մասով»,- այսօր Ռոբերտ Քոչարյանի և մյուսների գործով դատական նիստի ավարտին ասաց Քոչարյանի պաշտպաններից Ռուբեն Սահակյանը։
Նա ասաց, որ մեղադրանք չկա, և այն անգամ չի կարող «Գյուլնազ տատի» հեքիաթի հետ համեմատել. «Գործով անցնում է 4 ամբաստանյալ, ես չեմ կարող ասել՝ ինչ միջնորդություն ունեն մյուսների պաշտպանները, բայց մենք ունենք մի շարք միջնորդություններ, որոնք պետք է ներկայացնենք: Օրինակ՝ պետք է միջնորդենք՝ Դուք քննիչներ եք, դու քննչական խմբի ղեկավար ես, պարո´ն Հրաչյա Մուշեղյան, բա դու չգիտե՞ս, որ եթե մարդուն մեղադրում ես, ասում ես՝ ճնշում են գործադրել ՍԴ դատավորների վրա, ուրեմն պետք է նման ինֆորմացիա, ցուցմունք ունենաս, պետք է հարցաքննած լինես ՍԴ դատավորներին: Բայց նրանք ընդամենը հարցաքննել են մարտի 8-ին ՍԴ-ի որոշումը ստորագրած 8 դատավորներից միայն մեկին, որն ասել է՝ ինձ վրա ճնշում չի եղել, բա էն 7-ին ինչո՞ւ չեք հարցաքննել ու այստեղ գրել եք՝ ճնշում են գործադրել»։
Մանրամասները՝ տեսանյութում։
Լիլիթ Շաբոյան
